O conxunto coruñés do CRAT Residencia Rialta chega ao Nadal cunha nova derrota nas costas. Esta vez ante do CR Sant Cugat por 28-24.
As herculinas do aguantaron como puido que o CR Sant Cugat no se fose moito no marcador pero as galegas foron sempre por detrás no marcador nun partido que chegou ao descanso cun resultado de 14-12 e ao final cun 28-24.
Foi o desta décima xornada un partido chave na localidade catalá de Sant Cugat para a definición das posicións na parte baixa da clasificación. Dun lado, as locais, levan unha traxectoria ascendente na súa primeira tempada na máxima categoría, do outro, o CRAT Residencia Rialta, tentaría estabilizarse no bo xogo tras unha tempada complicada e irregular.
Na primeira metade o dominio local foi case total no que se refire á posesión do oval. O CRAT Residencia Rialta pasou longos períodos de tempo encerrado preto da súa liña de marca, con todo, cada vez que conseguía zafarse do dominio das catalás, demostraba unha tremenda capacidade de facer dano grazas ás súas xogadoras rápidas, feito que lle serviu para poder chegar cun marcador igualado ao descanso.
Na segunda metade o encontro igualouse un pouco no referente á posesión. O partido, que se vía máis trabado, seguía manténdose en tensión debido a que o xogo máis coral das locais era contrarrestado por poutadas visitantes que se vían como unha arma poderosa que o CRAT Residencia Rialta tiña, pero que non acababa de dominar.
Finalmente, dúas transformacións a paus tras ensaio máis do CR Sant Cugat sérvenlle para conseguir catro puntos por un dun CRAT Residencia Rialta, que espera que o parón do Nadal sexa un momento bo para recuperar parte das numerosas xogadoras que ten no dique seco, así como para engranarse mellor e lograr que ese bo xogo que demostraron saber facer, brille en todos os encontros.
O CRAT remata o 2021 na penúltima praza
O conxunto que adestra a dupla conformada por Helen Roca e Jos Porto volverá á competición na Liga Iberdrola o 30 de xaneiro. Será, de novo, contra un rival da zona baixa, desta volta as colistas do Sanse Scrum RC. A vitoria ante este equipo é crucial para as galegas que arestora son penúltimas con 14 (tres partidos ganados e cinco perdidos), un menos que o Sant Cugat ao con que perderon nesta décima xornada ligueira.
FICHA TÉCNICA
28) C.R. SANT CUGAT (28): Paula Nieto, Carla Arca, Linda López, Montserrat Leuga, Paula Pou, Victoria Gil, Irene Aires, Kat Keller, Carla Rodríguez, Raquel García, Sara Marín, Elsa Porto, Alysha Stone, Ana María Iglesias e Elisabet Segarra Tamén xogaron: Adaia Anglés, Alisson Peña, Meritxell Tur, Marta Valldeperas, Beatriz González, Carla Pagán, Marta Segura e Axelle Ramón
24) CRAT RESIDENCIA RIALTA (24): Judith Hernández, Miriam Roig, Maica Martí, Ana Montero, María Vega, Maisie James, Maitane Buján, Divina Leis, Alba Lalín, Isabel Fontanarrosa, Jess Martín, Claudia Barrio, Ceci Huarte, Tania Martínez e Paula Requena. Tamén xogaron: Barbara Murillo, Sara Antúnez, Alejandra Victoria, Iria Anidos, Ana Iglesias, Estela Salinas e Alejandra Fernández.
MARCADOR:
- Min 0, 7-0 Ensayo de Victoria Gil transformado por Ana María Iglesias
- Min 4, 7-5 Ensayo de Ceci Huarte
- Min 23, 14-5 Ensayo de Ana María Iglesias transformado por ella misma
- Min 28, 14-12 Ensayo de Ceci Huarte transformado por Isabel Fontanarrosa
- Descanso
- Min 53, 14-17 Ensayo de Ceci Huarte
- Min 62, 21-17 Ensayo de Alysha Stone transformado por Ana María Iglesias
- Min 73, 28-17 Ensayo de Elisabet Segarra transformado por Ana María Iglesias
- Min 78, 28-24 Ensayo de Maica Martí transformado por Ana Iglesias
ARBITROS: Roger Parera. Expulsou temporalmente á xogadora local María Victoria Gil no minuto 43 por faltas reiteradas segundo se recolle na acta do partido.
INCIDENCIAS: Partido correspondente á décima xornada da Liga Iberdrola de rugby disputado no campo ZEM La Guinardera.
