Vista Alegre e o Pescados Rubén sofren a primeira derrota da tempada e non puideron celebrar ao grande o desenlace do clásico. As Guerreiras laranxas 
fixeron todo o que poideron pero non foron superiores ante a calidade do Futsi Atlético Navalcarnero que se apropiou do partido no último minuto e medio (2-3).
A porteira Ana Romero, mostrouse impasible nas primeiras ocasións das de Andrés Sanz. Os catro minutos do encontro o Futsi acumulaba as cinco faltas polo que se vían obrigadas a tomar outros camiños. Jane aproximouse a área contrario e Peque contraatacou pero non houbo sorte. A falta de 28 segundos para o ecuador do primeiro acto, Leti sacou a ventaxe para o Futsi. Volveuno a intentar Jane no 11 pero non superou o cara a cara fronto á meta madrileña e pouco despois as do Futsi salvaron un sombreiro de Jenny Lores. Houbo que esperar o 17 á diana laranxa, obra de Dany cazando o rexeite de Ale de Paz.
Os 29 segundos do reinicio, as locais buscaron e perforaron a meta de Marta Balbuena (2-1). A mellor do Futsi tívoa a ex das laranxas Gaby, no 28, que non a recolleu pegada ao pau. As burelistas frearon o momento máis perigoso das visitantes con Jozi ante Ari.
Con pouco máis de cinco minutos para a bocina final, o Futsi cargouse de faltas e optou por xogo de cinco para pelexar pola defensa do liderado ante o segundo da táboa. Chegou a sexta no 36 con falta de Gaby sobre Cilene; de novo foi Lara Balseiro a encargada do dobre penalti. A xogadora mariñán non puido materializar o terceiro topándose co pé de Belén de Uña, de novo en pista.
Emocionante final de partido
Mantívose férrea a defensa local fronte á porteira xogadora e subiu tamén a quinta das laranxas a falta de 1’59”. Final trepidante, como sempre prometen os duelos entre galegas e madrileñas. Con 1’30” aínda de xogo, Leti selou o empate nunha incursión de Ju Delgado que se lle escapou a Jozi e puido aproveitar a 7 visitante pegada ao pau. A reacción das de Julio Delgado tamén foi de cinco, abandeiradas por Bea Mateos pero non pudieron cambiar o resultado final no que o Futsi levouse un apaixoante partido.
FICHA TÉCNICA
PESCADOS RUBÉN BURELA FS: Ana Romero, Cilene, Peque, Jane, Ale de Paz —cinco inicial—, Dany, Jenny Lores, Jenny, Bea Mateos, Luci, Lara Balseiro, Jozi
FUTSI ATLÉTICO NAVALCARNERO: Belén de Uña, Ari, Leti, Ju Delgado, Ame Romero —cinco inicial—, Anita Luján, Gaby, María Sanz, Marta Balbuena
GOLES: 0-1, Leti (min. 10); 1-1, Dany (min. 17) ; 2-1 Jane (min. 21); 2-2 Leti (min. 39); 2-3 Ame Romero (min. 40).
ÁRBITRA: Carreira Romero e Ferrero Carballal
TARXETAS: Ale de Paz do Burela (cartón amarelo) e Leti do Futsi (cartón amarelo)
INCIDENCIAS: Partido correspondente á xornada 12 de Primeira División disputado no Pavillón de deportes Vista Alegre ante unhas 1000 persoas. A cita contou coa presenza da seleccionadora española, Clàudia Pons, e o seleccionador de Portugal, Luís Conceição, ademais do deputado de Deportes de Lugo, Efrén Castro, o xefe de Deportes da Xunta de Galicia en Lugo, Manuel Otero, o alcalde e o concelleiro de Deportes de Burela, Alfredo Llano e Ramiro Fernández, o edil barreirense Antón Veiga e o presidente do CD Lugo, Tino Saqués, entre outras autoridades.
