A Selección de España feminina de voleibol cedeu o partido pola vía rápida 0-3 (22-25/20-25/18-25) ante Grecia nun choque onde Las Leonas do voleibol non atoparon o seu lugar na pista fronte a un bloque heleno que brillo en saque e bloqueo para frear ao combinado que dirixe Pascual Saurín.
O seleccionador español de voleibol contou para este choque coa participación das xogadoras galegas Lucía Prol, Majo Corral e Lucía Varela, nesta ocasión Helia González foi convocada pero non tivo minutos, e non entrou na lista a xogadora do Emevé, Inma Lavado.
España quería manter a súa condición de invicto no torneo de clasificación para o Campionato de Europa que se está disputando en Larissa (Grecia). Pero o conxunto español víase superado polo bloqueo e o saque do conxunto de Guillermo Naranjo. Giota na rede e Christodoulu en saque maniataban o xogo ofensivo nacional. Las Leonas do voleibol ían sempre a remolque no marcador até o definitivo 22-25, segundo relata a RFEVB.
1er set ESP 22-25 GRE @RFEVB pic.twitter.com/Sbfs1sUOWE
— Las Leonas del Voley (@VoleyFemAbs) May 8, 2021
O conxunto español buscaba reaccionar e coa mellora en recepción xunto ao ataque de María Segura, Raquel Montoro e Carmen Unzúe, as xogadoras de Pascual Saurin dispuñan das súas primeiras vantaxes no choque. O combinado español non puido manter o cinco puntos de renda do ecuador do set e o acerto en remate de Vasilantonaki equilibraba o marcador, para unha recta final onde Grecia aproveitou os erros nacionais para sumar o segundo set.
2o set ESP 20-25 GRE (0-2) @RFEVB pic.twitter.com/unG7cp2lpE
— Las Leonas del Voley (@VoleyFemAbs) May 8, 2021
O terceiro set marcaría as opcións españolas de remontada, pero Grecia non estaría disposta a que España atopasen a súa mellor versión. As helenas recuperarían o seu acerto en saque e bloqueo para dominar con claridade ao longo do set. Raquel Montoro mantiña as opcións co seu ataque pero un parcial final do bloque de Guillermo Naranjo pechaba o choque e confirmaba a primeira derrota de España na fase de clasificación.
Perdemos 3-0 con Grecia. 3er set 18-25. Ahora toca reflexionar y mañana volveremos más fuertes 💪 contra Noruega @RFEVB pic.twitter.com/6iEPNhygkW
— Las Leonas del Voley (@VoleyFemAbs) May 8, 2021
Hoxe, novo partido do preeuropeo de volei ante Noruega
Las Leonas españolas pecharán hoxe, domingo 9/5/21 en Grecia a primeira volta da Fase de Clasificación ao enfrontarse con Noruega ás 16 horas, nun partido que poderá seguirse en directo por streaming en +TDP.
FICHA TÉCNICA
0) ESPAÑA: Priante (1), Lucía Prol (9), Unzue (6), Lucía Varela (7), Segura (12), Montoro (9) e Sánchez (Líbero). Tamén xogaron: Majo Corral (-), Llabres (Líbero 2), Escamilla (-).
3) GRECIA: Giota (6), Lamprousi (5), Strantzali (8), Vasilantonaki (20), Christodoulu (10), Vlachaki (10) e Artakianou (Líbero). Tamén xogaron: Kosma (1),
PARCIAIS: 22-25 (25´), 20-25 (26´), 18-25 (24´).
ÁRBITROS: Vlatko Ristovski – Atanas Varbanov
