Xornada 11 no grupo 1 da Segunda División de Fútbol Sala Feminino marcada polos derbis galegos. A Fervenza xoga en casa contra o FSF Castro e o Valdetires xoga a domicilio contra o filial do Ourense Envialia. O primeiro duelo co posto de bronce en xogo, mentres que en Ferrol xógase a tranquilidade de ocupar os postos medianos da clasificación.
O terceiro posto en xogo no Pavillón da Malata
O pavillón da A Malata será testigo do duelo por entrar no podio da clasificación da Segunda División de Fútbol Sala. Fervenza e Castro teñen unha cita para en Ferrol o vindeiro (sábado 14, as 19.30 horas). Ferrolanas e de Castro de Rei chegan en boa dinámica despois de gañar os seus duelos da pasada xornada.
O Fisgón pode ser líder se gaña na pista do Muslera
O conxunto de Marín pode ser líder (sempre e cando non puntúe o Viaxes Amarelle) se gaña ao Muslera a domicilio o vindeiro sábado ás 18.00. O Fisgón chegará con enerxías despois de ter descanso a pasada xornada. Pola contra o conxunto cántrabo ven de perder na casa do Castro por 6-1. Oportunidade de ouro para as de Marín de poñerse no máis alto da táboa.
Envialia “B” e Valdetires xóganse un posto na zona temprada da táboa
O pabellón dos Remedios vivirá o sábado unha tarde de fútbol completa. Primeiro co derbi entre Ourense Envialia e Cidade de As Burgas e logo co Envialia “B” contra o Valdetires Ferrol.
Ambos conxuntos, da Segunda División, queren cambiar a dinámica tras perder os seus partidos da xornada pasada. As ferroláns 4-7 fronte o líder e as ourensáns 3-2 co Universidade de Valladolid. (Sábado 19.30, Pavillón dos Remedios)
