A cabeza da táboa na Segunda División da RFEF de FSF é galega e, nesta xornada, as dúas primeiras escuadras clasificadas medirán forzas no Pavillón dos Remedios.
O derbi galego no máis alto do Grupo 1, entre o Cidade de As Burgas FSF e o Viaxes Amarelle FSF, xógase hoxe sábado 12 a partir das 18:00 horas. Entre as 17:00 e as 20:00 horas está activada unha acción solidaria co pobo ucraíno. Recollerase material para enviar en colaboración coa asociación AGA-UCRAÍNA, segundo informa o Cidade de As Burgas.
Recordamos que desde las 17:00 hasta las 20:00 tendremos un punto de recogida en el pabellón de Os Remedios en colaboración con la asociación AGA-UCRAÍNA
Aquí os dejamos todo lo que podéis traer. ¡COLABORA! 👇 pic.twitter.com/aeC84DOs3Z— Cidade de As Burgas FS (@cidadeasburgas) March 11, 2022
O conxunto herculino do Viaxes Amarelle FSF, dirixido por Jorge Basanta, lidera a clasificación na categoría de prata do FutSalFem estatal con 48 puntos. Síguelle con cinco menos o Cidade de As Burgas que prepara Manolo Codeso, seu rival desta fin de semana. Ambas escuadras disputan en terras ourensás o último partido aprazado da primeira volta. Non hai dúbida de que a pista dos Remedios acollerá un apaixonante derbi galego no máis alto da táboa clasificatoria. Os dous conxuntos veranse as caras cunha serie de resultados excelente. Haberá táboas ou tropezo para algún deles?
⚔️👟⚽️🧡 DERBI POR TODO LO ALTO ‼️
Derbi gallego en lo más alto del Grupo 1 de la Segunda RFEF Futsal Femenino entre el @cidadeasburgas y el @amarellefsf #futsalFemenino #RendirseNuncaFueUnaOpción
👉 más info en https://t.co/L7hPsZljLi pic.twitter.com/nIjfopDYXP
— Viaxes Amarelle FSF (@amarellefsf) March 11, 2022
Encadradas dentro do Grupo 1 da Segunda RFEF Futsal Feminino, o cadro laranxa e o verdibranco afrontarán o partido aprazado da duodécima xornada de liga no Pavillón Municipal dos Remedios (Ourense) hoxe sábado 12 de marzo de 2022, a partir das 18:00 horas.
O Viaxes Amarelle FSF non para nas súas xornadas de adestramento e dar continuidade á súa preparación para un dos partidos que pode resultar clave neste tramo final da competición nacional. As herculinas poden abrir fenda coas súas perseguidoras ou, pola contra, as ourensás do Cidade de As Burgas poden facer tropezar ás laranxas e meterse na lea pola primeira posición.
Para este partido o técnico das herculinas, Jorge Basanta, citou ás porteiras Sandra Rodríguez e Leti Rojo, así como ás xogadoras de pista, Candela Soria, Patri Romaní, Cris Lourés, Èlia Gullí, Yaiza, Lau Doce, María Gómez e Carlita.
O rival que terá en fronte a escuadra laranxa é un Cidade de As Burgas FSF que actualmente ocupa a segunda posición na xeral con 43 puntos, tras disputar dezaseis xornadas nas que cultivou 14 vitorias, 1 empate e 1 derrota; sumando 60 goles a favor, e habendo encaixado 18 goles en contra.
O conxunto ourensán acumula unha serie de 15 partidos consecutivos sen perder, e doce vitorias consecutivas na competición ligueira; cedendo a súa única derrota na primeira xornada de liga. Ademais, o Cidade de As Burgas FSF conta ao seu favor, co feito de que xa se enfrontou nesta segunda volta contra terceiro, cuarto e quinto clasificado e saíu vitorioso de todos eses enfrontamentos.
Un puntos fortes do conxunto ourensán é a súa portería, pois se consolida como o equipo con menos goles encaixados de todo os grupos da Segunda RFEF. Custa facerlle gol ás verdibrancas.
Antecedentes dos derbis entre laranxas e verdibrancas
Os últimos enfrontamentos entre ambas as escuadras remóntanse á pasada tempada, onde ambos os equipos loitaban pola permanencia na Primeira RFEF Futsal Feminina. En ambos derbis se viron partidos moi igualados, que se terminaron decidindo por detalles, e mentres que no Viaxes Amarelle FSF conseguía a vitoria na cancha do Cidade de As Burgas FSF por un axustado marcador de 2-3. No partido da segunda volta na cancha herculina, o conxunto coruñés salvaba un punto cun gol a falta de 15 segundos para o final do partido.
O Viaxes Amarelle FSF tratará de seguir crecendo na competición, e poñerá todas as súas armas sobre a cancha para poder conseguir un bo resultado diante un claro rival directo na loita polo play- off. Saben as herculinas que, sexa cal for o resultado, conseguirán manter o liderado.
Neste partido houbo un cambio de hora decidido onte venres. O horario do partido viuse alterado a última hora da tarde de onte dado que a instalación do Pavillón Municipal de Vos Remedios quedou libre polo aprazamento do partido de Primeira RFEF Futsal Feminina do Ourense Envialia FSF co Atlético Torcal.
Tras acordo entre o Cidade de As Burgas FSF e a propia escuadra herculina, o partido adiantouse unha hora e media, de tal maneira que se inicie ás 18:00 horas; o cal foi validado pola Real Federación Española de Fútbol a última hora do venres.
