Ourense Envialia e Cidade de As Burgas xogan o vindeiro sábado un derbi con obxectivos moi distintos. As de Morenín, coas miras postas na zona alta da táboa e o conxunto de Manolo Codeso trantando de saír das zonas de descenso.
O técnico do Ourense Envialia, falou sobre a importancia de ter calma e normalidade nunha semana de derbi: “Afrontamos esta semana con total normalidade. Canto máis importancia lle demos ao derbi, peor. Está claro que é un partido especial pero nos afrontamos a semana con total normalidade. É certo que foi unha semana un tanto diferente polo partido da Copa da Raíña da semana pasada”, apunto Morenín.
O adestrador do Ourense ten claro o obxetivos da tempada: “Ten moitísimo mérito estar a 2 puntos do Pescados Rubén Burela. O noso obxectivo é asegurar o quinto posto, que da acceso ao playoff. O Burela, por plantel e por presuposto está moi por riba de nós”.
O adestrador tamén quixo remarcar a internacionalidade de unha das súas xogadoras clave: “Cambiamos a sesión de adestramento do luns pola do martes para poder ver a Chiky coa Selección Española”.
Con todo o plantel a súa desposición, salvo a duda de Laura Uña, Morenín deixou claro a relevancia de puntúar antes do parón: “Quedan dous partidos para o parón e por iso é moi importante conseguir os 3 puntos o sábado”.
O Pavillón dos Remedios ten unha cita esta finde semana co fútbol ourensán. Un derbi con distintos obxetivos pero con moito en xogo.
