O Cidade de As Burgas saíu ao pavillón de Vista Alegre sen complexos e coa presión alta ante un Pescados Rubén Burela que viuse sorprendido na súa propia cancha. O derbi Irmandiño nunca defrauda. Ao Burela custoulle facerse cos tres puntos da xornada 19 no derbi irmandiño (4-1). As Guerreiras medíronse a un Cidade moi intenso e atrevido que lles puxo as cousas difíciles, sobre todo na primeira parte, tomando a iniciativa no marcador.
Manolo Codeso, adestrador do Cidade de As Burgas: “Estamos moi contentas. Queriamos competir contra o Burela e o conseguimos. Xa sabiamos que aínda tendo un bo día como tivemos hoxe, é moi difícil competir contra este equipazo”.
As de Codeso saíron moi valentes cuns minutos iniciais moi intensos nos que subiu filas para presionar a elaboración mariñá. As visitantes foron as primeiras en poñer a proba a rede, antes de cumprirse o minuto 2, con Nahir Oliveira.
Manolo Codeso, adestrador do Cidade de As Burgas: “Téñolle que dar os parabéns a todo o equipo. Creo que fixemos un partidazo, a pesar da derrota. O partido fíxosenos moi longo polo esforzo que fixemos”.
O partido tivo varias ocasión para cada equipo, e en xogada persoal Jane con Ana López xa driblada a punto estaba de anotar o primeiro se non fóra pola zaga ourensá moi acertada. A catro da conclusión, nun saque de esquina botado por Lucía Nespereira conseguía adiantar á escuadra verdo no derbi. A ex xogadora laranxa anotou un gran gol desde o saque de recuncho.
Pouco despois, Jenny a pase de Luci conseguía anotar o empate co que acabaría o período. A 9 burelista foi a encargada de subir o 1-1 a falta de 2’20” para o descanso nun golazo desde os oito metros. Apertou o Pescados Rubén e Cristina a punto estivo de marcar a iniciativa no luminoso, cun balón cruzado que rozou Ana Lastra para evitalo. Con empate 1-1 no luminoso, chegaríase ao descanso.
Manolo Codeso, adestrador do Cidade de As Burgas: “Creo que toda a xente que estivo no pavillón puido gozar dun partidazo entre dous equipos moi grandes hoxe en día en Galicia. Se fomos capaces de xogar e dominar por momentos ante todo un Burela, para nós é un premio e fainos irnos coa moral moi alta”.
Tras o tempo de lecer, Jenny Lores aproveitaba un balón repelido a disparo de Dany para culminar a remontada lucense no envite. Sorprenderon as de Codeso co xogo de cinco en busca do empate, o que lles reportaba máis posesión de balón, pero o Burela conseguía abrir brecha cun punterazo de Cristina desde a frontal mediado o segundo acto.
Manolo Codeso, adestrador do Cidade de As Burgas: “Doulle un 10 ao equipo. Polo traballo, polo esforzo e por facerme gozar hoxe. Non hai que esquecerse o rival que tiñamos enfronte”.
Pouco despois, o conxunto mariñán tamén optaba polo xogo de cinco con Bea Mateos como porteira xogadora. Xa no tramo final, as ourensás recorrían de novo ao xogo de cinco e nun roubo de balón de Jenny Santos en primeira liña de presión permitíalle facer o 4 a 1 a porta baleira. Puido ampliar a vantaxe Dany desde os dez metros nos últimos compases dun derbi que xa non variaría máis. Un partidazo entre dous
🗣️ Rueda de prensa | Valoración de Julio Delgado del #derbi disputado el sábado en Vista Alegre entre las #GuerreirasLaranxas y el @cidadeasburgas [4-1].#Burela #Futsal #OrgulloLaranxa #FutsalHeart🧡 pic.twitter.com/gx9oDzuZpR
— CD Burela FS (@burelafs) February 3, 2020
🗣️ Rueda de prensa | Valoración de Manolo Codeso del #derbi entre el @burelafs y @cidadeasburgas [4-1].#Burela #Futsal #OrgulloLaranxa #FutsalHeart🧡 pic.twitter.com/YzuJFOIkvK
— CD Burela FS (@burelafs) February 3, 2020
🗣️ Rueda de prensa | Declaraciones de @Jenny_Lores tras la disputa del #derbi el pasado sábado en Vista Alegre🆚 @cidadeasburgas [4-1].#Burela #Futsal #OrgulloLaranxa #FutsalHeart🧡 pic.twitter.com/4Tx2mG3Z6O
— CD Burela FS (@burelafs) February 3, 2020
FICHA TÉCNICA
PESCADOS RUBÉN BURELA: Jozi; Bea Mateos, Dany, Jenny Lores e Lara Balseiro (quinteto inicial). Tamén xogaron, Jane, Jenny, Ale de Paz, Cristina Pérez, Luci e Lucía (segunda porteira).
CIDADE DE AS BURGAS: Ana López Lastra; Nahir, María Arias, Clara e Amelia (quinteto inicial). Tamén xogaron, Sonia, Lucia Nespereira, Canolich e Nati Pacios.
GOLES:
0-1, min. 16 Lucía Nespereira
1-1, min. 18 Jenny Santos
2-1, min. 23 Jenny Lores
3-1, min. 30 Cristina
4-1, min. 37 Jenny Santos
COLEXIADOS: Coello Martínez e Menéndez Nistal do colexio galego. Recibiron cartolina amarela Clara e Amelia no Cidade de As Burgas.
INCIDENCIAS: Partido correspondente á xornada 19 de Primeira División disputado en Vista Alegre ante arredor de 500 persoas.
