O Viaxes Amarelle FSF afronta un novo derbi galego na máxima categoría do fútbol sala feminino, e necesita puntuar para seguir fóra dos postos de descenso, nunha fin de semana con moitos duelos directos na zona baixa. As herculinas mediranse na tarde deste sábado 1 de abril a partir das 19:00 horas, no Pazo dos Deportes Paco Paz (Ourense) visitando ao Ourense Envialia FSF.
O conxunto coruñés do Viaxes Amarelle FSF non parou de traballar durante toda a semana, e desde o primeiro día da semana coa mente posta nesta nova oportunidade de conseguir sacar unha vitoria que lle permita coller aire neste tramo final de competición.
O técnico do club herculino, Jorge Basanta, convocou para este novo duelo na competición da regularidade, ás porteiras Leti Rojo e Nerea Ramallo, así como ás xogadoras de pista, Cris Lourés, Carol Agulla, Clàudia Lobo, Èlia Gullí, María Gómez, Lau Doce, Tety, Carlita, Marta Hermo, Estela Cantero e Laura Rivas.
O rival que estará enfronte para o conxunto herculino, é un Ourense Envialia FSF que actualmente ocupa a novena posición da xeral con 31 puntos, cultivados tras 9 vitorias, 4 empates e 9 derrota, nos vinte e dous encontros que disputaron ata a data. Suman 59 goles a favor, e encaixaron 49 tantos en contra.
O conxunto ourensán tivo un inicio de competición errático, pero conseguiu enlazar unha serie de bos resultados que lle levou a unha zona tranquila da táboa con 15 puntos sobre o descenso. Actualmente acumula un refacho de tres partidos sen gañar, e onde do últimos nove puntos en xogo, só conseguiu un empate fronte ao Joventut D’Elx; é por iso que o equipo da cidade das termas estará con ganas de reencontrarse coa vitoria.
O Amarelle disposto a loitar duro pola permanencia
Os duelos que enfrontaron a estes equipos nesta tempada, remóntanse a un partido de pretemporada onde as herculinas conseguiron un empate 1-1, no partido de Cuartos de final de Copa Galicia, onde as herculinas levarían o pase na quenda de penaltis; e no partido de ida da primeira volta, viviuse un partido moi disputado e onde o Ourense Envialia FSF terminou levando os tres puntos tras un solitario gol, ao impoñerse por un marcador de 0-1.
O conxunto herculino do Viaxes Amarelle FSF saltará á cancha do conxunto ourensán coa intención de puntuar e poder coller aire cos postos de descenso, e avanzar cara ao obxectivo da permanencia. Non llo porán doado as locais.
