No tramo final da Copa da Raíña de futsal participan dous galegos, pero só un deles pasará á seguinte fase. O sorteo de cuartos, celebrado este venres, 23 de abril, cruza a Pescados Rubén Burela e Ourense Envialia.
Nestas xornadas finais da competición, o formato elixido foi unha final a oito. Desta forma, do 30 de abril ao 2 de maio, os oito clubs participantes citaranse na Cidade do Fútbol de Las Rozas (Madrid) para optar ao título de campión desta edición.
O duelo galego terá lugar o venres 30, enfrontando ás actuais campioas da competición, o Burela, co Ourense Envialia, actualmente último clasificado do grupo polo título na Primeira División.
A eliminatoria será a partido único e poderá seguirse por por Teledeporte e a páxina web de RTVE.
O resto de emparellamentos dos cuartos da Copa da Raíña
O primeiro cruce enfrontará a AE Penya Esplugues co Melilla Sport Torreblanca. Seguidamente xogarán o AD Alcorcón, onde milita a galega Vane Sotelo, contra o Universidad de Alicante. O terceiro enfrontamento de cuartos da Copa será entre o Intersala Promesas e o Futsi Atlético Navalcarnero.
⚠️ OFICIAL | ¡¡Estos son los EMPAREJAMIENTOS de la Fase Final de la #CopaDeLaReinaFutsal 2021!!
🆚 Las eliminatorias se llevarán a cabo a partido único.
🗓️ 30 de abril – 2 de mayo.
🏟️ Ciudad del Fútbol de Las Rozas.
🙌🏻 ¡¡Qué empiece el espectáculo!! 🙌🏻#SomosFutsal pic.twitter.com/ppAJuByjNR
— RFEF Futsal (@SomosFutsal) April 23, 2021
