O pavillón Vista Alegre será testemuña este sábado 1 de outubro ás 17:30 dun dos derbis galegos da Primeira División da RFEF do Fútbol Sala Femenino. Enfróntanse o Pescados Rubén Burela FS e Ourense Envialia. Ambas as dúas escuadras loitarán para levarse os tres puntos e sumar posicións na táboa clasificatoria da máxima categoría do FutSalFem estatal.
As Guerreiras Laranxas chegan ao cruce coas ourensás intratables, despois de sumar todas as vitorias posibles goleando aos seus rivais. Pola súa banda, o Ourense Envialia accede a este derbi galego só logrou conseguir unha vitoria de tres. Con todo, isto pouco importa debido a que é un rival que sempre lle pon as cousas duras e que, ademais, chegará a Vista Alegre famento de triunfos.
Julio Delgado, adestrador do CD Burela FS declaraba antes do choque contra do Ourense Envialia que os dous equipos son vellos coñecidos. O encontro poderá verse ao vivo en Vista Alegre pero tamén vai ser transmitido Vuvuzela e TVG.
A.N.: Primeiras tres xornadas nas cales o equipo anotou 21 tantos a favor conseguindo os 3 puntos en todos os encontros. Cal cres que é o éxito deste tramo inicial?
JULIO DELGADO: “É certo que o equipo está acertado cara gol. Estamos a converter moitas ocasións. Temos un gran potencial en ataque, creo que este ano crecemos nese aspecto. De todos os xeitos, van tres xornadas e non poderemos facer un balance ata a finalización da primeira volta”.
A.N.: Enfrentádesvos neste derbi galego ao Ourense Envialia, rival que en todas as ocasións expúxovos un partido moi complicado, como ves ao equipo ante este reto en casa?
JULIO DELGADO: “É un rival co que xa sumamos moitos enfrontamentos. Coñecémonos moi ben os dous equipos. Non hai nada que descubrir, seguimos traballando para mellorar día a día. Este é un partido especial, engadíndolle que é un derbi. Temos que saír con boas sensacións ao comezo, marcando territorio nos primeiros minutos”.
Julio Delgado ante o cruce co Ourense Envialia: “É un rival co que xa sumamos moitos enfrontamentos. Coñecémonos moi ben os dous equipos. Non hai nada que descubrir, seguimos traballando para mellorar día a día. Este é un partido especial, engadíndolle que é un derbi. Temos que saír con boas sensacións ao comezo, marcando territorio nos primeiros minutos”
A.N.: É certo que a última vez en pretemporada gañastes por un gol de diferenza, pero nos enfrontamentos anteriores deste derbi gaelgo houbo resultados negativos. Por que crees que ao Pescados Rubén Burela FS lle custa tanto gañarlle a este equipo galego?
JULIO DELGADO: “O Ourense Envialia é un gran equipo. O ano pasado ata as últimas xornadas, estivo a loitar para meterse nos catro primeiros. Despois de eliminarnos na Copa Xunta, baixaron o listón, pero non deixan de ser un equipo moi compacto e competitivo, con xogadoras experimentadas. Vai ser un rival difícil sen dúbida“.
