Novo derbi no fútbol sala feminino galego nesta sexta xornada. Desta volta tócalles verse fronte a fronte ao Ourense OnTime e o Viaxes Amarelle FSF. A cita é no Pavillón dos Remedios hoxe sábado 21 de outubro a partir das 18:00 horas coa presencia das cámaras de Live Vuvuzela e da TVG. Arbitrará o encontro a colexiada Lidia Crespo Pardo.
Tanto as ourensás como as coruñesas están na zona morna da táboa e van de menos a máis neste arranque competitivo. No caso do Ourense OnTime as xogadoras que adestra Mondo son oitavas e no caso das laranxas que prepara Raúl Castro Piru son novenas. Ambos os dous equipos empatan a 7 puntos con cinco partidos disputados, dous gañados, dous perdidos e un que rematou en táboas. É o golaverage (17 a favor e 12 en contra) o que sitúa ás locais por diante das herculinas (19 a favor e 15 en contra).
Dous equipos con traxectorias ascendentes
No debut ligueiro as de Ourense empataban 3-3 na cancha do FSF Castro Bloques Cando (que se estreaba na categoría). Logo se presentaron ante o seu público cunha derrota (4-5) no seu segundo derbi entre galegas que foi ante o Pescados Rubén Burela. Na terceira estación ligueira as futbolistas que prepara Mondo fixeron parada na cancha do AE Les Corts UBAE con derrota 2-0. E venceron na cuarta xornada nos Remedios ante o MRB Móstoles FSF por 4-1.
O Ourense OnTime chega a este cruce como local e logo de sumar dúas vitorias consecutivas, unha na Liga (contra o Rayo Majadahonda AFAR 4 FSF 1-6), e outra na Copa. Semella que as da Cidade das Burgas recompoñen filas logo dun inicio no que non tiveron tantos resultados positivos. Xustamente o mesmo camiño que levan as coruñesas.
O Viaxes Amarelle FSF empezaba a Liga empatando na cancha do AE Les Corts UBAE (2-2), na segunda xornada chegaría a primeira derrota (4-5) na casa ante o MRB Móstoles FSF. Gañaron as coruñesas 2-6 na terceira xornada na que visitaron ao Rayo Majadahonda AFAR 4 FSF. Volveron a tropezar na cuarta xornada como locais contra o Arriva AD Alcorcón (1-5). Finalmente as herculinas déronlle unha alegría á bancada cun 6-1 en Liga no pavillón coruñés da Sagrada Familia contra o Poio Pescamar. Ese foi o seu primeiro derbi galego da tempada en Liga, hoxe vivirán o segundo, para as ourensás será o terceiro.
Baixas no Ourense OnTime
Nas filas do Ourense OnTime hai varias baixas. Entre as futbolistas coas que non poderá contar a adestradora Raquel Mondo hai ausencias importantes. Estaba como lesionada de longa duración Judith Pedreira, pero á súa ausencia súmaselle a da capitá, Marta Figueiredo e a de Candela Soria (ex do Viaxes Amarelle FSF), así como a de María Arias.
💊📷PARTE MÉDICO // 1 DIV. FUTSAL @iberdrola
Paciencia y una buena recuperación.Os esperamos pronto dentro del 40×20
CANDELA (@CandelaSoria_2)
Pubalgia.3 semanas de bajaMARIA ARIAS (@mariaariasrod)
Esguince de ligamento lateral interno.3 semanas de baja📸BG PHOTOS pic.twitter.com/FrF16ttzKc
— Ourense Ontime FSF (@OUontimeFSF) October 21, 2023
Segundo explicaban nas súas redes sociais desde o Ourense OnTime no caso de Candela Soria estamos ante unha pubalgia que a vai ter afastada do 40×20 unhas tres semanas. María Arias ten unha escordadura no ligamento lateral interno e tamén estará tres semanas de baixa. Mentres que no caso de Marta Figueiredo estamos ante unha rotura miotendinosa do adutor largo, sendo o período de recuperación estimado polo club ourensá de 4 semanas.
A ausencia máis prolongada será, previsiblemente, a de Judith Pereira que ten por diante unha ciruxía de ligamento cruzado anterior (LCA).
Nas filas do Viaxes Amarelle FSF, o técnico Piru convocou ás seguintes 12 futbolistas:
🚨 CONVOCATORIA 🚨
Aquí temos as 12 xogadoras que viaxarán a Ourense para disputar a 6ª Xornada do Campionato. ⚽️🧡
Recordade que este partido será televisado pola Tvg2! 📺 #AmarelleFSF #Futsalfemenino@FutSalRFEF pic.twitter.com/p6HiloFzZO— Viaxes Amarelle FSF (@amarellefsf) October 20, 2023
Este derbi do futsalfem galego entre ourensás e coruñesas será transmitido pola TVG desde as 18:00 a través da G2 e tamén, como é habitual, por Live Vuvuzela.
🚨Retransmisións de hoxe sábado
⏰18:00h @OUontimeFSF – @amarellefsf
⚽ Derbi galego no fútbol sala feminino
📺En directo na G2 e no enlace de G24 📲👉
https://t.co/uOmYMEyIii pic.twitter.com/POhjm7HG94— En Xogo tvG2 (@EnXogo_tvG2) October 21, 2023
