Sábado de derbi galego na División de prata do fútbol sala. O Fisgón recibe ao Ourense B nun partido de Liga no que ambos conxuntos quererán recuperar sensacións tras as súas derrotas da semana pasada. O pavillón de Sequelo será testigo dun gran derbi entre conserveiras e ourensás ás 19:00. A Fervenza tamén ten un partido duro e recibirá no pavillón de A Malata ás 12:00 do domingo a un Ribamontán en postos de descenso e moi necesitado de puntos.
Derbi galego con distintos obxectivos
Fisgón e Ourense B chegan ao derbi con distintos obxectivos. As de Pili Costa, buscarán o tres puntos para quitar o mal sabor de boca da derrota da semana pasada ante o Amarelle e seguir ocupando o posto de prata na táboa. As de Rubén Carballo, pola contra, buscarán un resultado positivo nunha das pistas máis complicadas da categoría.
O técnico galego alabou ao seu rival do sábado: “O derbi afrontámolo como un partido máis. Imos xogar contra un dos equipos máis importantes da Liga e que en mellor estado de forma está xunto o Amarelle”.
Rubén Carballo, adestrador do Ourense B: “O derbi afrontámolo como un partido máis. Imos xogar contra un dos equipos máis importantes da Liga e que en mellor estado de forma está xunto o Amarelle”.
Carballo é consciente que as conserveiras “veñen de perder no seu duelo directo e quererán recuperar sensacións na casa. Para nós é unha nova oportunidade para seguir crecendo e que as xogadoras vexan que poden competir todos o partidos. Queremos reafirmar as boas sensacións durante a semana”.
Rubén Carballo, adestrador do Ourense B: ” Para nós é unha nova oportunidade para seguir crecendo e que as xogadoras vexan que poden competir todos o partidos. Queremos reafirmar as boas sensacións durante a semana”.
Rubén falou da dificultade de sumar ante un dos grandes da Liga pero destacou que “neste partido temos pouco que perder e moito que gañar. Unha vitoria supoñería un reforzo a nosa autostima”.
Rubén Carballo, adestrador do Ourense B: “Neste partido temos pouco que perder e moito que gañar. Unha vitoria supoñería un reforzo a nosa autostima”.
O filial ourensán conta coas baixas de Carla e Moraima, a falta da última sesión de hoxe.
Pili Costa, adestradora do Fisgón falaba durante a previa do bonito derbi que teñen por diante e que tentarán “afrontar o partido con moita seriedade e con ese gusanillo porque os derbis galegos sempre son partidos diferentes. O Ourense tamén traerá á súa afección e seguro que será un partido bonito”.
Pili Costa, adestradora de O Fisgón: “Afrontamos o partido con moita seriedade e con ese gusanillo porque os derbis galegos sempre son partidos diferentes”.
Nós queremos seguir no ronsel do líder e afrontar cada partido como unha final. Imos tentar que queden os tres puntos en Marín.
As de Costa reciben ao filial ourensán coa baixa confirmada de Kiko, e a dúbida de Pera. “Isto dános unha posiblidad para tirar das xogadoras novas da canteira e darlles a oportunidade”, comentaba Pili sobre como solventar as baixas do seu plantel.
Pili Costa, adestradora de O Fisgón: “Nós queremos seguir no ronsel do líder e afrontar cada partido como unha final. Imos tentar que queden os tres puntos en Marín”.
As rosas en busca da vitoria ante o Ribamontán
A Fervenza recibe ao antepenúltimo clasificado da táboa, un Ribamontán que suma 9 puntos e necesita unha vitoria para apurar as súas opcións de salvación. As ferrolás, pola contra, teñen as miras máis altas e queren recuperar sensación tras a dolorosa derrota da pasada fin de semana fronte o Muslera.
De acadar a vitoria, as rosas sumarían uns notables 20 puntos que, se acompoñan os resultados, poderían supoñer ocupar a cuarta praza ao remate de xornada. As de Chipi saben da importancia deste partido da segunda volta para manterse nos postos nobres e seguir metendo presión aos máis fortes da categoría.
