Pescados Rubén Burela e Poio Pescamar protagonizan o partido da xornada na Primera División do FutSalFem da RFEF. O chamado derbi das costas” entre as da Mariña e as conserveiras determinará quen queda co segundo posto. O partido xógase, como o resto da xornada, hoxe sábado 14. Laranxas e vermellas enfróntanse en Vista Alegre a partir das 19:00 horas. Antes, ás 17:00 horas xogará o ENCE Marín Futsal na Raña co Rayo Majadahonda AFAR 4 FSF, e o Ourense Envialia recibirá ao Arriva Alcorcón. Fóra da casa, na cancha do FSF Móstoles disputará a 15ª xornada o Viaxes Amarelle FSF desde as 18:30 horas.
Ver esta publicación en Instagram
Empatadas a 39 puntos. Así chegan o Pescados Rubén Burela e o Poio Pescamar a este derbi das costas do futsalfem galego que se vive no máis alto da táboa da máxima categoría do futsalfem estatal. Quen leve o triunfo neste duelo de rivalidade galega será o que ocupe a segunda praza da na clasificación.
Así veía o derbi das costas na previa a futbolista laranxa Jenny:
Ver esta publicación en Instagram
O Pescados Rubén Burela e o segundo equipo máis goleador (77 goles), e o Poio Pescamar o segundo menos goleado (14 tantos encaixados). Como na clasificación, so o Futsi Atlético Navalcarnero (líder invicto) supera a ambos os dous equipos galegos neses menesteres: anotar (80 golres) e evitar que lles marquen (12 tantos recibidos).
Na súa visita a Vista Alegre, o Poio Pescamar presenta uns números moi bos. Acumula 12 vitorias consecutivas. So perderon as vermellas co Futsi Atlético Navalcarnero.
Neste cruce as locais terán a sensible baixa da internacional coa Selección Española de futsalfem Peque.
O partido poderá verse na TVG2 e, como o resto dos choques da máxima categoría, ao vivo en liña en Live Vuvuzela.
O ENCE Marín Futsal recibe ao Rayo Majadahonda AFAR 4 FSF
Os encontros na élite do futsal galego non se limita ao derbi das costas. Esta tarde de sábado, ás 17:00 horas, xogará o ENCE Marín Futsal na Raña co Rayo Majadahonda AFAR 4 FSF como rival. As galegas son undécimas e as madrileñas 14ª e ocupando o primeiro posto de descenso.
Tamén ás 17:00 horas xoga o Ourense Envialia que recibirá ao Arriva Alcorcón. As galegas son sextas na máxima categoría do futsalfem estatal as madrileñas oitavas. Sepáranas catro puntos na táboa, polo que o cruce serviría ás de Mondo para poñer distancia cun dos equipos que as persegue.
Loita pola 9ª praza entre FSF Móstoles e Viaxes Amarelle FSF
O conxunto herculino chegará na xornada deste sábado ao intermedio da competición regular da Primeira Federación Futsal Feminina. Farao visitando a cancha dun rival directo en loita por manter a novena posición da xeral. O Viaxes Amarelle FSF mídese hoxe, sábado 14 de xaneiro de 2023, a partir das 18:30 horas, no Pavillón Municipal de Villafontana (Móstoles) ao FSF Móstoles.
O conxunto herculino afrontou unha semana de adestramentos atípica, con varias xogadoras con molestias do duelo que disputaron a pasada fin de semana fronte ao líder da competición; e onde ademais a novísima Carlita foi intervida para poder volver ás pistas canto antes. A pesar de todo iso, as galegas fóronse recuperando e afrontan o partido deste sábado cun emocionante duelo contra un rival directo na clasificación.
🏥😷🧡 MOITO ÁNIMO CARLITA ‼️
A xogadora ceense do primeiro equipo do @amarellefsf, @carla_mc11, foi intervida esta mañá no hospital de Cee dunhas adherencias dunha operación realizada hai uns anos e que lle impediron iniciar a liga.
Conta atrás para comezar.#VoltarPraQuedar pic.twitter.com/pW6PzwL4S0
— Viaxes Amarelle FSF (@amarellefsf) January 11, 2023
O técnico do club herculino, Jorge Basanta, convocou para este novo duelo na competición da regularidade, ás porteiras Leti Rojo e Nerea Ramallo, así como ás xogadoras de pista, Cris Lourés, Carol Agulla, Clàudia Lobo, *Èlia Gullí, María Gómez, Lau Doce, Tety, Marta Hermo e Laura Rivas.
Ás baixas de Carlita e Estela Cantero, que retomou os adestramentos co grupo esta mesma semana, e espérase que pronto poida volver ás pistas; tamén se uniu a de Khrystyna Stepanenko que sufriu un golpe nun adestramento cunha compañeira e tras os exames médicos realizados esta semana, espérase que sexa algo leve e nun par de semanas volva estar dispoñible.
O rival que estará enfronte para o conxunto herculino, é un FSF Móstoles que actualmente ocupa a décima posición da xeral con 15 puntos, cultivados tras 5 vitorias e 9 derrotas, nos catorce encontros que disputaron ata a data. Suman 31 goles a favor, e encaixaron 43 tantos en contra.
O conxunto mostoleño atópase empatado a puntos na xeral coas galegas; nunha tempada cunha dinámica moi similar á do cadro herculino, aínda que cun equipo cun perfil de xogadoras perigosas no ofensivo.
Os últimos enfrontamentos entre ambos os dous equipos, remóntanse á tempada 2018/2019 e onde as herculinas cederan derrotas en ambos os duelos, cun 4-2 en contra en casa do FSF Móstoles e encaixando unha axustada derrota por 2-3 en terras herculinas. De feito no histórico de enfrontamentos entre ambos os equipos na Primeira División de fútbol sala feminino, o conxunto herculino nunca foi capaz de sumar unha vitoria, e a única vez que o cadro laranxa puntuou remóntase a un duelo da tempada 2012/2013, onde o partido terminou cun 2-2, en casa das madrileñas.
O conxunto herculino tratará de pechar cun resultado positivo a boa primeira volta que realizaron ata o momento, e onde conseguiron coller certa distancia cos postos de descenso; e un bo resultado esta fin de semana, sería moi positivo para afrontar a segunda volta con mellor cara. Toca gozar sobre a cancha e pelexar polos puntos na tarde do sábado 14 de xaneiro de 2023 no Pavillón Municipal de Villafontana (Móstoles).
O encontro será emitido por streaming a través de Live Vuvuzela:
