A Deputación da Coruña organiza desde o vindeiro mes de novembro e ata marzo do 2022 un seminario intensivo de defensa persoal feminina de balde. Neste obradoiro, as mulleres participantes poderán ensaiar técnicas e estratexias para defenderse ante un intento de agresión, rompendo os mecanismos que bloquean e imposibilitan a reacción de resposta.
As actividades de defensa persoal comezarán en Ortigueira, no IES Ortigueira, o 13 de novembro, seguindo en Ferrol, na Malata, o día 27; en Culleredo, no Sofía Casanova, o 11 de decembro; en Carballo, no Vila de Noia e Carballo Calero, o 15 de xaneiro; en Cee, no pavillón municipal, o 29 de xaneiro; en Boiro, en Barraña, o 12 de febreiro; en Ames no pavillón municipal, o 26 de febreiro; e en Melide no polideportivo municipal o 12 marzo.
Poderedes inscribirvos cubrindo o tríptico desta ligazón e entregándoo no concello elixido.
O seminario da Deputación está dirixido a mulleres de entre 14 e 70 anos, empadroadas en calquera concello da provincia da Coruña. Os grupos estableceranse cun mínimo de 20 e un máximo de 70 participantes, e as actividades desenvolveranse seguindo todos os protocolos de seguridade sanitaria.
A edición de cada concello terá unha duración de catro horas e desenvolverase os sábados de 10:00 a 14:00 horas. O programa comezará por establecer os grupos de traballo, para dar lugar ao quencemento e práctica das técnicas. Despois dun descanso, as asistentes aprenderán técnicas de autodefensa e o protocolo de actuación no ámbito da defensa persoal.
