A Deputación da Coruña publica hoxe no Boletín Oficial da Provincia (BOP) a concesión provisional de 24 axudas económicas a outros tantos clubs, asociacións e sociedades deportivas da provincia que levan a cabo distintos eventos deportivos de singular interese en distintos concellos da provincia coruñesa durante o ano 2023.
As achegas provinciais, incluídas nunha das múltiples liñas de subvencións ao deporte que impulsa cada ano a Deputación coruñesa, supoñen investimentos por un importe global de 448.000 euros. Estas achegas que teñen como obxectivo “apoiar a celebración de grandes eventos deportivos, que reúnen a deportistas de gran nivel e que, ademais de fomentar o deporte, contribúen a proxectar a imaxe da nosa provincia a nivel nacional e internacional”, segundo destacou o deputado provincial de Deportes, Antonio Leira Piñeiro.
🤝 A @Depucoruna apoia con 448.000 euros a celebración de 24 grandes eventos deportivos na provincia da Coruña.
🏄♂ O Pantín Classic, o NothWest Triman das Pontes, Equiocio, e os Rallyes de Ferrol, Coruña e Narón entre os eventos que patrocinados.
ℹ https://t.co/6bISD4gP6y pic.twitter.com/7aWJMMhHw6
— Deputación da Coruña (@Depucoruna) August 2, 2023
O deputado provincial de Deportes, Antonio Leira Piñeiro subliñou que a Deputación da Coruña destina este ano 2023 4,5 millóns de euros en diferentes liñas de axudas para impulsar o deporte coruñés, desde as categorías de base a grandes eventos coma estes.
Entre as axudas concedidas na convocatoria inclúense probas deportivas de renome como o Pantín Classic, os Rallyes de Ferrol, A Coruña e Narón, Equiocio en Ferrol, a Copa España X Rutas Xacobeas de Ciclismo, o Torneo Cidade de Santiago de Baloncesto Feminino, o NorthWest Triman das Pontes ou o campionato de Europa de seleccións de surf adaptado.
Listaxe completa das axudas concedidas pola Deputación da Coruña correspondentes ao programa FO103D (convocatoria do programa de subvencións a entidades deportivas, sen ánimo de lucro, para o desenvolvemento de grandes eventos deportivos singulares de especial interese na provincia durante 2023) nesta pode consultarse no Boletín Oficial da Provincia nesta ligazón
Beneficiario / Acontecemento deportivo
- AGRUPACION DEPORTIVA NOROESTE BETANZOS MOTOR / RALLY DA AUGA-COMARCA DE ORDES
- CLUB CICLISTA PADRONES / ORGANIZACIÓN PROBA CICLISTA X EDICION RUTAS XACOBEAS COPA ESPAÑA 2023
- CLUB CICLISTA VILALBA AS PONTES / II CICLOCROSS INTERNACIONAL LAGO DAS PONTES
- CLUB DEPORTIVO EQUIOCIO / CELEBRACIÓN DO XXXII CONCURSO HÍPICO NACIONAL TRES ESTRELAS – EQUIOCIO 2023
- CLUB MOTOMONTAÑISMO ARTEIXO / ORGANIZACION PRUEBA DEL MUNDIAL DE TRIAL.TRIALGP-ARTEIXO2023
- CLUB PRAIA DE PANTIN / CELEBRACIÓN DA 36ª EDICIÓN DO CAMPIONATO DO MUNDO DE SURF DA WORLD SURF LEAGUE “ABANCA PANTIN CLASSIC GALICIA PRO 2023”
- CLUB RALLY CORUÑA / CAMPIONATO DE ESPAÑA DE AUTOCROSS, 15º AUTOCROSS DE CARBALLO
- CLUB RALLYE RIAS ALTAS / ORGANIZACION E DESENROLO DO RALLYE RIAS ALTAS HISTORICO 2023
- CLUB SOBRE RODAS / ORGANIZACION PROBA CAMPIONATO DE ESPAÑA DE CROSS COUNTRY
- CLUB UTMC / III DESAFÍO INTERNACIONAL ECOCAMIÑO (MARCHA – CARREIRA) CHALLENGE INTERNATIONAL WAY SANT JAQUES
- CLUB XIMNASIA RITMICA VIRAVOLTA / VIRAVOLTA JAEL 2023 TORNEO INTERNACIONAL XIMNASIA RÍTMICA
- ESCUDERIA AUTOMOVILISTICA DEL FERROL / 54 RALLYE DE FERROL
- ESCUDERIA LA CORUÑA / 7º ECORALLY A CORUÑA
- ESCUDERIA PEÑA AUTOCROSS ARTEIXO / CAMPIONATO DE ESPAÑA DE AUTOCROSS 2023 – 27º AUTOCROSS ARTEIXO
- ESCUDERIA SIROCO NARON / 35 RALLYE CIDADE DE NARÓN
- FEDERACION ESPAÑOLA DE LUCHAS OLIMPICAS Y DISCIPLINAS ASOCIADAS / CAMPEONATO DE EUROPA U20 DE LUCHAS OLÍMPICAS
- FEDERACION ESPAÑOLA DE SURF / CAMPIONATO DE EUROPA DE SELECCIONES DE SURF ADAPTADO Y PRUEBA DEL CIRCUITO MUNDIAL DE ADAPTADO SURFING 2023 (EURO PARASURFING 2023)
- FEDERACION GALLEGA DE KARATE Y DISCIPLINAS ASOCIADAS / KARATE 1 YOUTH LEAGUE A CORUÑA 2023
- FEDERACION GALLEGA DE VOLEIBOL / CIRCUITO NACIONAL DE VOLEI PRAIA A CORUÑA 2023 II TROFEO CIDADE DA CORUÑA
- FUNDACION EDUCACION E DEPORTE SANTIAGO COMPOSTELA / II TORNEO CIDADE DE SANTIAGO DE BALONCESTO FEMININO
- GALIORIENT SPORT’S / NORTHWEST TRIMAN 2023
- ITF COIROS / II TROFEO KICKBOXING COIRÓS
- M.N.M. (MOVETE NA MOTO) / PROBA DO CAMPIONATO DE ESPAÑA DE ENDURO EN SANTIAGO DE COMPOSTELA
- SAMURAI SPORT’S CLUB / SAMURAI XTREME RACE LAGO DE AS PONTES 2023 E SAMURAI JUNIOR RACE 2023