- A proposta está dirixida á mocidade de entre 9 e 14 anos de idade e desenvolveranse durante o mes de xuño e xullo no IES Rosalía Mera da Deputación, na cidade da Coruña e as inscricións estarán abertas ata o 20 de maio en diferentes quendas por concellos.
A Deputación da Coruña informa de que vén de abrir o prazo para que 500 rapaces e rapazas da provincia da Coruña se poidan apunten aos campamentos deportivos que a institución vai levar a cabo nos meses de xuño e xullo deste ano 2022. As inscricións nesta actividade poderán realizarse ata o 20 de maio de 2022.
Os campamentos deportivos 2022 están destinados a nenos e nenas de entre 9 e 14 anos de idade e desenvolveranse no IES Rosalía Mera da Deputación, que está ubicado na cidade da Coruña. As 500 persoas participantes repartiranse en cinco quendas de seis días de duración cada unha delas.
O prezo do campamento é de 85 euros, que inclúe transporte, estadía e manutención, así coma o gasto das actividades. Os campamentos deportivos terán lugar entre os días 26 de xuño e o 29 de xullo en diferentes quendas.
A deputada de Deportes coruñesa, Cristina Capelán, celebrou “a boa acollida que teñen estes campamentos entre a mocidade dos 93 concellos da provincia da Coruña, tanto é así, que incrementamos o número de prazas, pasando das 400 da anterior edición ás 500 desta”.
Cristina Capelán, deputada de Deportes da Deputación da Coruña: “A boa acollida que teñen estes campamentos nos 93 concellos da provincia fixo que incrementemos o número de prazas, pasando das 400 da anterior edición ás 500 desta”
Cristina Capelán tamén definiu a iniciativa destes campamentos deportivos para nenas e nenos da provincia da Coruña “como una proposta lúdico deportiva moi completa para que todos os nenos e nenas poidan gozar dun verán de actividades, aprendizaxe e compartan vivencias con novos compañeiros e compañeiras”.
Durante as xornadas de campamento, a rapazada participante poderá gozar de deportes náuticos, actividades ao aire libre, excursións á praia e visitas culturais, deportivas e etnográficas en zonas de interese na provincia da Coruña. As actividades e xogos buscarán en todo momento fomentar a comunicación, o intercambio de experiencia, a convivencia e o respecto polos demais.
Cristina Capelán, deputada de Deportes do ente provincial: “como una proposta lúdico deportiva moi completa para que todos os nenos e nenas poidan gozar dun verán de actividades, aprendizaxe e compartan vivencias con novos compañeiros e compañeiras”
Entre o equipamento recomendado pola organización para a estadía das rapazas e os rapaces figura roupa de rúa e deportiva, toallas e útiles de aseo, saco de durmir e lanterna, tamén se recomenda contar con lentes para o sol, crema protectora solar, chuvasqueiro e mochila.
As quendas destes campamentos da Deputación da Coruña son as seguintes:
- 1 ª quenda ( do 26 de xuño ao 2 de xullo 2022 ): Aranga, Bergondo, Cabanas, Capela, Coirós, Culleredo, Curtis, Fene, Irixoa, Melide, Miño, Oza-Cesuras, Paderne, Pontedeume, As Pontes, Sada, Santiago, Vilarmaior e Vilasantar.
- 2 ª quenda ( do 3 ao 8 de xullo 2022 ): Abegondo, Ames, Arzua, A Baña, Boimorto, Boqueixón, Cerceda, Frades, Mesía, Negreira, Ordes, Oroso, O Pino, Rois, Santiso, Sobrado, Teo, Toques, Tordoia, Touro, Trazo, Val do Dubra e Vedra.
- 3 ª quenda ( do 10 ao 15 de xullo 2022 ): Arteixo, Betanzos, Cabana de Bergantiños, Cambre, Carballo, Carral, Coristanco, A Laracha, Laxe, Malpica, Mazaricos, Mugardos, Oleiros, Ponteceso e Santa Comba.
- 4 ª quenda ( do 17 ao 22 de xullo 2022 ): Ares, Cariño, Cedeira, Cerdido, A Coruña, Ferrol, Mañón, Moeche, Narón, Neda, Ortigueira, San Sadurniño, As Somozas e Valdoviño.
- 5 ª quenda ( do 24 ao 29 de xullo 2022 ): Boiro, Brión, Camariñas, Carnota, Cee, Corcubión, Dodro, Dumbría, Fisterra, Lousame, Muros, Muxia, Noia, Outes, Padrón, A Pobra do Caramiñal, Porto do Son, Rianxo, Ribeira, Vimianzo e Zas.
