Adiantando os seus choques da xornada décima da Ok Liga Prata, o HC Deportivo Liceo e o HC Borbolla vencían con rotundidade onte, sábado 8 de maio aos seus respectivos rivais. As verdibrancas gañaban 5-0 ao Gatikako Iusturi, e as tomatitas vencían 10-0 ao CPP Raspeig.
Anotaron na escuadra liceísta Naiara Vaamonde (2), Isa Barros (2), Cris Diz e Bea Gaete. Polo Hockey Club Borbolla, marcaron gol Lara Yáñez (4), Lucía Yáñez (3), Marta Vilas, Alba Díaz (penalti) e Valentina de Girolamo (falta directa).
Hoxe, domingo 9 de maio, volverán xogar e o farán novamente como locais xa na xornada que toca por calendario, a oitava. O Hockey Club Deportivo Liceo recibe ao Club Patín Las Rozas (16:00) outro dos aspirantes ao ascenso. Mentres que na mañá o Hockey Club Borbolla abre as portas do Pavillón de Monte Alto para xogar co CPP Raspeig (12:30)
O HC Deportivo Liceo estase afianzando na primeira posición da táboa sumando xa 19 puntos, fronte aos 13 do Club Patín Alcorcón e o seu rival desta tarde, o Club Patín Las Rozas. De gañar este segundo partido da fin de semana, as coruñesas tería medio pé na Ok Liga para a vindeira tempada.
