As xogadoras de Carlos Loureiro teñen claro que o obxectivo do HC Deportivo Liceo nesta tempada na Ok Liga Prata non é outro que o retorno á máxima categoría. Até o de agora, o bloque avanza con paso firme cara á Ok Liga Feminina. Esta fin de semana afianzáronse no liderato ao vencer 1-3 ao CP Alcorcón que era o seu inmediato perseguidor e se viu relegado á terceira praza tras perder coas galegas.
Con este resultado, as coruñesas non so non solta o liderato, senon que van poñendo terra de por medio cos equipos que as seguen na táboa.
As verdibrancas teñen un partido máis, pero contan xa con 23 puntos no seu haber. Por detrás veñen o CP Las Rozas (17), o CP Alcorcón (16), e o HC Borbolla con 13 puntos.
So os dous primeiros equipos teñen praza na elite. Quedan poucos partidos polo que vencer a un rival directo ten sido máis que tres puntos ao favor das liceístas.
O HC Liceo, marcou primeiro
En terras madrileñas abría a lata a xogadora do HC Deportivo Liceo Naiara Vaamonde a falta de catro minutos para a conclusión do primeiro periodo. Mediado o segundo tempo empataría o CP Alcorcón por medio de Marina Monge (1-1), pero pouco duraron as táboas, xa que que so dous minutos despois do empate Alejandra Martín volvía poñer ás galegas por diante no marcador (1-2). Baixo paus Katy Guscin soubo parar as poucas chegadas das madrileñas. O 1-3 final o antonaba Lucía Paz a dez minutos da bucina final.
Tócalle parón ao conxunto que adestra Carlos Loureiro xa que as coruñesas non xogarán máis até o 30 de maio, data na que visitarán ao UDC Rochapea na súa pista ás 11:00.
FICHA TÉCNICA
1) CP ALCORCÓN: Patricia Sanz Delgado, Anna Carranza Bordes, Carlota Antunez Ramos, Carolina Monedero e Marina Monge Terrado – quinteto inicial -. Tamén xogaron: Gabriela Delgado Santiesteban, Paula Manso e Celia Montero. Estela Sánchez (P.S.)
3) HC DEPORTIVO LICEO: Katy Guscin, Alejandra Martín, Bea Gaete, Luchy Paz Aldrey, Cris Díaz – quinteto inicial -. Tamén xogaron: Andrea Ojeda García, Naiara Vaamonde e Isa Barros. Noemí Uzal (P.S.)
GOLES: 0-1 (min. 21) Naiara Vaamonde Couto. 1-1 (min. 40) Marina Monge Terrado. 1-2 (min. 41) Alejandra Martín Amigo. 1-3 (min. 41) Luchy Paz Aldrey.
ÁRBITRO: Jorge Martínez Fernández, colexiado principal. César Gómez Gago, colexiado auxiliar. Alberto Sanz, cronometrador. Sen cartóns azuis.
INCIDENCIAS: Partido correspondente á 9ª xornada da Ok Liga Prata Feminina de hoquei sobre patíns disputada no Prado de Santo Domingo en Alcorcón.
