O Dépor quitouse a careta e volveu a senda da vitoria en Liga, e na súa casa, Abegondo. As galegas acumulaban un refacho de catro partidos sen gañar en competición doméstica e desquitáronse cun entroido de goles e boas sensacións. Partido redondo, 5-1 ante o Sporting de Huelva, Peke segue nun gran momento e o equipo deu mostras de máis solidez defensiva (aspecto que estaba a preocupar a Manu Sánchez nas últimas datas).
Non deixar escapar máis puntos en Abegondo e adicar a vitoria a Alba Merino tras caer lesionada o pasado mércores (as galegas levaron unhas camisetas de ánimo para a “avoa” do equipo antes do partido). Con esa premisa entrou o Dépor ao partido, moi serio e ordenado. Non pasaban nin 5 minutos, cando o conxunto galego xa mandaba no luminoso. O coiro caía nas botas de Athenea e a 9 volveu a facer maxia. Un gran caneo e cedou o balón a Gaby, que non perdonou. Zurdazo que tras petar na base do longueiro, perforou a rede da meta defendida por Chelsea.
Manu Sánchez volveu a facer rotacións no once inicial e deu entrada por primeira vez na tempada ás dúas fichaxes xuntas no once incial, Lorena e Carolina. Tamén deu un merecido descanso nos laterais, tanto a Cris como a Nuria. A dupla letal volvía ao verde, Peke e Athenea.
O Dépor estivo moi cómodo durante os primeiros compases de encontro, dominando e xerando as oportunidades máis claras. O Sporting de Huelva resistía as arremetidas das galegas ata que no minuto 20 Athenea volveu a captar todos os focos. Colleu o balón en medio campo e tras unha gran conducción entrou na área e definiu ás mil marabillas ao pau curto.
Conexión do cantábrico
Cinco minutos despois sería a súa compañeira na punta de ataque a que conseguiría anotar desde os once metros. Gran xogada de Athenea que recibiu un pase filtrado de Tere e a 9 foi derrubada dentro da área. Peke está de dulce e sería a encargada de anotar desde o punto fatídico. 3-0 para o Dépor antes da primeira media hora.
Un paradón de Misa ao filo da media hora sería a antesala do gol das onubenses. A gran intervención da gardamallas deportivista mandaba o balón ao córner. Tras o lanzamento desde o curruncho, as andaluzas acortarían distancias por medio de Mascaró. O gol non amedentrou ás galegas e seguirían dominando tanto o xogo como tendo as mellores ocasións.
Pekegol
Froito de ese dominio, non tardaría en chegar o cuarto. O balón chegaba ás botas da nipona, Maya. A 17 puxo un centro medido á cabeza de Gaby que rematou pero atoupouse coas luvas de Chelsea. No rexeite o balón caeu a Peke que todo o que toca convérteo en gol. Brutal o estado de forma da dianteira vasca.
Tras o tempo de lecer, as galegas seguiron levando o peso do partido pero serían as onubenses as que darían o primeiro susto. Un gol anulado por fóra de xogo e un logueiro estiveron preto de convertirse no segundo tanto do partido para o Sporting. O Dépor non se amedrentou e foi a máis. Maya tivo nas súas botas facer o quinto tras un gran disparo cruzado que foise lamendo o pau dereito de Chelsea. Gran partido da nipona na medular deixando detalles de calidade e servindo de enlace entre a defensa e a zona de ataque.
Co dominio de xogo e no marcador, Manu Sánchez aproveitou para dar descanso a Athenea e Maya, seguramente pensado no duro duelo de Copa que ten o Dépor no Johan Cruyff o vindeiro mércores. No seu lugar entraron Michelle Romero e a canteirá Carlota.
As galegas aproveitaron o dominio aplastante para durmir o partido e non sacrificarse en exceso no ámbito físico. O dominio de xogo foi total e as de Manu Sánchez case non sufriron durante os compases finais de partido dando mostras da mellora defensiva que tanto traballou o técnico galego durante esta semana.
Outro balón para o peto
Para pechar unha mañá redonda, Peke anotou o quinto e volveu a levar o balón para casa. A 18 anotou o seu hat trick tras un maxistral cabezazo a centro de Nuria. Non hai quen pare a de Arrigorriaga. Co 5-1 e a lesión Kanteh que tivo que ser atendida durante varios minutos no céspede de Abegondo, acabaría o partido.
O Dépor volve a senda da vitoria en Liga e adícalle unha gran vitoria a súa afección. Se Peke segue a este nivel e a mellora en defensa continúa, as galegas poden competir e gañar a calqueira. Próxima estación: Copa da Raíña contra o FC Barcelona.
FICHA TÉCNICA
DÉPOR ABANCA: Misa, Patri López, María Méndez, Bedoya (58′), Noelia Villegas, Tere Abelleira, Arbeláez, Maya (66′), Gabi (75)’, Peke e Athenea (69′).
Suplentes: Sullastres, Iris, Michelle R. (69′), Kika (75′), Nuria (58′), Cris e Carlota (66′).
SPORTING HUELVA: Chelsea, Korina, Cinta Rodríguez, Abambila, Mascaró, Kristina Fisher, Patri Ojeda, Castelló, Marina Steindl, Marie-Yasmine Alidou, Danica Evans.
Suplentes:Selena Babb, Fatou Kanteh, Natalia Nogareda, Princella Adubea, Marta Peiró, Peace Efih e Ana Jelencic.
GOLES: 1-0 Gaby, 2-0 Athenea, 3-0 Peke, 3-1 Mascaró, 4-1 Peke, 5-1 Peke.
ÁRBITROS: Beatriz Arregui Gamir (comité vasco).
INCIDENCIAS: Partido correspondente a xornada 21 da Liga Iberdrola no que enfrontará ao Dépor Abanca e o Sporting de Huelva na Cidade Deportiva de Abegondo.
