Dúas deportivistas, Noelia Bermúdez e Stephannie Blanco, foron convocadas pola Selección de Costa Rica, para un para de amigables con México. O segundo partido resultou nun 0-0 e con cero minutos disputados para as branquiazuis.
Este duelo celebrouse o 23 de febreiro, no Centro de Alto Rendimiento de la Federación Mexicana. Nel, as deportivistas non chegaron a pisar o céspede, nun encontro que rematou sen goles.
Porén, no encontro celebrado tamén ante México o pasado sábado, 20 de febreiro, as deportivistas Bermúdez e Blanco si que puideron desfrutar de minutos. Ambas xogadoras saíron como titulares, nun duelo que rematou no 3-1 a favor das mexicanas.
Nesta cita, Noelia Bermúdez puido xogar os 90 minutos, mentres que a súa compañeira no Dépor ABANCA, Stephannie Blanco, foi substituida no minuto 62 por Fabiola Villalobos.
Ambas deportivistas volverán a estar ás ordes de Manu Sánchez o xoves, 25 de febreiro, para o adestramento previsto ás 17:30 horas en Abegondo. O Dépor ABANCA atópase xa preparando o seguinte encontro ligueiro, no que visitarán ao Rayo Vallecano o domingo, 28 de febreiro, ás 12:00 horas na recuperación da sétima xornada.
