Tras o anuncio da convocatoria de Jorge Vilda para os encontros fronte a Moldavia e Polonia, na que o adestrador xa non contaba con Athenea del Castillo, chegan boas novas para a cántabra. A dianteira do Dépor ABANCA xogará coa selección española sub-20, ao ser convocada por Pedro López, case un mes despois do seu debut co equipo absoluto.
Athenea xa era habitual nas categorías inferiores da Roja, e logrou a súa primeira convocatoria coa selección absoluta o pasado mes de outubro, para o partido clasificatorio da Eurocopa 2022 contra a República Checa. Partido gañado polas españolas por 4-0 e no que a branquiazul pudo desfrutar dos últimos minutos.
Jorge Vilda mantén á galega Tere Abelleira na convocatoria da Selección Estatal
As exdeportivistas Nuria Rábano e María Méndez acompañarán a Athenea
Nesta convocatoria, a dianteira deportivista poderá reencontrarse con antiguas compañeiras do club herculino. Pedro López contará para esta concentración coas exdeportivistas María Méndez, xogadora do Levante, e Nuria Rábano, actual xogadora da Real Sociedad.
Cancelado o mundial sub-20
Entre as consecuencias que está a ter o COVID-19 no fútbol, está a cancelación dos mundiais sub-17 e sub-20. Nun inicio, terían que terse disputados en maio do 2020, e pola pandemia pospuxéronse ata o 2021. Finalmente, ambas competicións foron canceladas.
Porén, as xogadoras do sub-20 adestraranse xuntas os próximos días en Marbella (Málaga), do luns, 23 de novembro, ao xoves desa mesma semana.
A xogadora branquiazul desprazarase a Andalucía tras o encontro deste domingo, 22 de novembro, ás 16:15 horas que enfrontará ao Dépor ABANCA co Atlético de Madrid.
Esta é a lista completa de seleccionadas:
🔴 OFICIAL | Lista de la Sub-20 femenina para entrenamientos en Marbella.
➡️ La concentración arrancará el lunes 23 de noviembre y finalizará el jueves 26.
🔗 https://t.co/KVXfaudt3h pic.twitter.com/E5Vr24dAQ9
— Selección Española Femenina de Fútbol (@SeFutbolFem) November 19, 2020
