Ex xogadora do mítico Karbo, ex seleccionadora galega de fútbol e de fútbol praia… Moita xente coñece a figura de Pili Neira vencellada a diferentes disciplinas nas que o contacto co balón é co pé. Fútbol, fútbol praia e incluso fútbol sala, xa que agora está na directiva do Vento FS, pero sabías que tamén xogou ao balonmán e foi directiva dun club coruñés?
Na Federación Galega de Balonmán convídannos a coñecer de preto a figura desta muller do deporte galego e a súa vinculación co balonmán.
Pili Neira repartiu a súa vida deportiva entre o balonmán e o fútbol, pero no balonmán atopou unha familia. Ten grandes recordos, moitas anécdotas e momentos duros, e todos unidos a un club: o Balonmán Coruña. Entre os máis duros, a morte do seu adestrador, un home que o foi todo no balonmán feminino herculino: Tito Villar Pispieiro. Pili Neira lembra a súa figura nesta conversa da Federación Galega de Balonmán.
Por certo, unha das preguntas que selle fan se quedaría co fútbol ou co balonmán? Que dirías que respostou?
