A participación das cantereiras galegas Tanxugueiras no Benidorm Fest, e a posibilidade de que representasen a España en Eurovisión cantando en galego e noutras outras linguas do estado foi un fenómeno social que non quedou limitado á musica e a movemento de eurofans. Diferentes ámbitos da sociedade galega se volcaron coas artistas. O deporte, non foi menos. Nomeadamente o feminino. Diferentes clubs e xente do deporte amosaron públicamente o seu apoio ás artistas e a Terra e dixeron alto e claro: “VOTA TANXU” nas súas redes sociais.
Como mostra de que o seu apoio non remata no Benidorm Fest está a decision que anunciaba o CV Arenal Emevé de Lugo. Elixiron a canción Terra das Tanxugueiras como o himno da Copa da Raíña 2022 de voleibol que vai acoller Galicia en breve. A organización da cita deportiva corre por conta das lucenses.
O xurado do Arenal Emevé, en total concordancia co voto demoscópico e o voto telefónico do público, ven de nomear ás @tanxugueiras e o seu tema #Terra como himno oficial da Copa da Raiña 2022 de Voleibol.
VIVAN AS AUTÉNTICAS CAMPIOAS!! #TanxugueirasAEurovision #CopaReinaVB pic.twitter.com/nIkPzwqQDY— Arenal Emevé (@cvemevelugo) January 29, 2022
Antes, o conxunto lucense xa pedira o voto desde a súa conta de Twitter para as pandereteiras.
Vota @tanxugueiras ‼️
🤍💙💪💪💪 https://t.co/ub6O30LgTC— Arenal Emevé (@cvemevelugo) January 29, 2022
A triplista e olímpica galega Ana Peleteiro, que non adoita ter pelos na lingua, confesou primeiro que ía ser a “primeira vez na miña vida que vou gastar cartos en votar a alguien en televisión”, e pediu expresamente o voto para as Tanxugueiras con un claro “VOTA TANXU al 27066”. A saltadora de Ribeira seguiu comentando o Benidorm Fest e cando o xurado emitiu a súa valoración lanzou un “Veña home, non me amoles”.
El jurado que se vaya para cama un ratiño. Venga hombre NON ME AMOLES.
— ANA PELETEIRO BRIÓN (@apeleteirob) January 29, 2022
Seguiron as votacións e os nervios subían así que Ana Peleteiro admitía “Vaime dar un mal, miña nai”. Resignada ao terceiro posto que ocuparon finalmente as pandereteiras galegas de Tanxugueiras, a triplista olímpica lamentaba a “oportunidade que acabamos de perder”.
Señoritos del jurado no sabéis la oportunidad que acabamos de perder por vuestra culpa.
TANXU SEMPRE 🔥♥️✨— ANA PELETEIRO BRIÓN (@apeleteirob) January 29, 2022
Non deixemos o atletismo. A lanzadora de peso e olímpica en Toquio 2021, Belén Toimil, incorporaba na súa conta de Instagram varias publicacións en formato story en apoio ás galegas “Bua. Pelos de punta” e tamén capturas cos seus votos ás galegas a través de SMS. Logo do resultado publicou outra story na que dicía: “O público falou e non selle escoitou. Tanxugueiras, as máis queridas”.
A padexeira Teresa Portela, a muller con máis xogos olímpicos consecutivos na historia do deporte español, tamén optou por apoiar ás artistas galegas a través do formato story de instagram con cancelo #OrgulloGalego.
“Bravas” foi un dos adxectivos máis usados para referirse ás Tanxugueiras
A futbolista galega Anaïr Lomba que recentemente anunciaba que tiña que abandonar a práctica do fútbol por mor da lesión que padece, tamén apoiou ás artistas galegas e o seu berro de “Non hai fronteiras” no Benidorm Fest.
Es que son maravillosas 🌟 https://t.co/9Yctn15kKg
— Anaïr Lomba (@Anair16) January 29, 2022
A deportista tamén en desacordo co voto do xurado publicou chíos nos que apuntaba: “O que quere a xente vs o que queren os de sempre”. E apuntaba en referencia tamén ao xurado profesional logo de que emitisen os seus votos: “Eu a estos cinco deixábaos sen marisco o resto da súa vida”.
No fútbol as cebras do Victoria coruñés tamén anunciaba: “Hoxe hai foliada!”
Ver esta publicación en Instagram
No rugby o Muralla de Lugo fixo quedada para a TanxuFesta e seguiron a actuación das galegas desde o local do club enviándolles “toda a forza”. Non queremos pensar como tería sido o terceiro tempo deste partido musical se as Tanxugueiras tivesen gañado!
Dende o Local Social do Muralla RC toda a forza para @tanxugueiras pic.twitter.com/Lmglzuz3gW
— Muralla Rugby Club (@MurallaRugby) January 29, 2022
A Federación Galega de Fútbol envíou tamén unha mensaxe de apoio ás artistas galegas e ao seu Terra falando de “orgullo galego”.
💙💙💙@tanxugueiras, ORGULLO GALEGO https://t.co/A3p3sI8vTG
— RFGF (@futgal) January 29, 2022
A Federación Galega de Loita publicaba unha mensaxe de ánimo as cantereiras as que cualificou de “loitadoras bravas”
#loitadoras #bravas #enormes @tanxugueiras nunca choveu que non escampara! pic.twitter.com/izkW5tzD7L
— Fed Gallega Lucha (@FedGallegaLucha) January 29, 2022
O Pescados Rubén Burela tiraba de retranca e comentaba cun “grazas xurado… grazas” ao que sumaba un “non hai criterio” na letra de Terra para substituir á frase “non hai fronteiras”. Previamente alentara ao voto compartindo o chío das Tanxugueiras ás que cualifacaban de “bravas”.
Grazas xurado… Grazas…
🎶Ai la la la laaaa, ai la la laaaa, ai la la la laaaaa… NON HAI CRITERIO! 🎶#tongo #TanxugueirasAEurovision #tanxu #terra #BenidormFest2022 https://t.co/6rHRpg8Q29 pic.twitter.com/77ycqcXSaE
— Pescados Rubén Burela FS (@burelafs) January 29, 2022
O enfado foi medrando e finalmente tamén desde o club da Mariña sumáronse ao Trending Topic en Twitter nese momento da noite en España cun chío co cancelo #Tongazo.
Isto si que é unha mensaxe boa para ir polo mundo adiante. “Non hai fronteiras” carece de sentido, claro. 😠
Pero @tanxugueiras, o pobo a falado: sodes as mellores é punto! #Galiza!! #tongazo #tanxugeiras #BenidormFest2022 #terra pic.twitter.com/mGJcMzM1zQ
— Pescados Rubén Burela FS (@burelafs) January 29, 2022
A un dos equipos do futsal galega a actuación das canteiras galegas colleulle no autobus en pleno desprazamento. Falamos do Cidade de As Burgas que viaxaba de volta de Cantabria logo de medirse co Mioño. Gañaron 0-3 e adicaron a habitual foto da victoria de final de partido ás Tanxuguerias.
Como sempre a foto da victoria e nesta ocasión con especial mirada na noite de foliada que haberá en Benidorm
IMOS @tanxugueiras 🔥💪🏼
Estaremos atentos no bus💪🏼🔥 pic.twitter.com/rjPIiMxcxR— Cidade de As Burgas FS (@cidadeasburgas) January 29, 2022
Xa de camiño, no bus. Este era o panorama nas tabletas e demais dispositivos electrónicos:
Pois aquí estivemos todo o equipo animando as @tanxugueiras
BRAVO RAPAZAS👏🏽👏🏽👏🏽#BenidormFest #ElFestivalQueQuieres pic.twitter.com/Fsskr9bWS2— Cidade de As Burgas FS (@cidadeasburgas) January 29, 2022
Logo da votación, quegou o desacougo de xogadoras como Lucía Nespereira. E ata do míster, Manolo Codeso que falou de “vergoña nacional”
😭😭😭😭😭😭 non pode ser!!! Non pode ser!!! O xurado: 🤬😡🤬😡🤬😡😤🤬😤😡😤🤬😤🤬😤😡🤬😤😡😡😤😤😤😤😤😤😤😤😤😤 (merdentos)
— a Lucía (@lucia_nespereir) January 29, 2022
O equipo de As Nosas tamén compartiu o seu apoio ás Tanxugueiras por que o que representan, nos representa: Mulleres bravas, que veñen pra quedar, que levan o galego polo mundo con fachenda e que recollen o testigo doutras mulleres que camiñaron antes que nós para que esteamos aquí.
Nós as que abriron camiños chamámoselles pioneiras do deporte, na música son todas esas mulleres que conservaron a nosa cultural a través da tradición oral. Grazas a elas e as Tanxu!
No deporte sabemos que ás veces gáñase, outras pérdese e que incluso cando perdes, vences por que levas contigo unha experiencia que che axudará a afrontar novos retos e a ser mellor cada día.
Desde As Nosas erguemos con vós o brazo ao ceo, da igual se na man hai unha pandeireta, unha raqueta, unha pelota, unhas pesas, un cabo que amarra unha vela, un disco ou unha xavelina para lanzar, unha pértega para saltar máis alto ou un pulso pechado cruzando a meta. O caso que teñamos claro que non hai fronteiras.
Ver esta publicación en Instagram
