As acitivdades deportivas programadas polo Concello da Coruña ao longo do verán foron todo un éxito en participación. Os programas ‘Coruña en Forma‘ e ‘Coruña no Mar‘, así como os ‘Campamentos de verán’ superaron os 5.000 participantes.
A concelleira de Deportes, Mónica Martínez, salientou na Comisión informativa de Deportes, destacou que o goberno local ten como obxectivo “promocionar a adquisición de hábitos de vida saudables, o abandono do sedentarismo e a ocupación saudable do tempo de lecer nos diferentes barrios da cidade”. Desta forma, búscase mellorar a calidade de vida da veciñanza a través do deporte.
Coruña no mar
Cabe destacar a popularidade das actividades naúticas, que estrearon programación, e completaron as 738 prazas dispoñibles, 536 prazas semanais e 202 de fin de semana, para as que se recibiron 3.019 solicitudes. O obxectivo desta iniciativa era achegar os deportes náuticos á cidadanía, cunha oferta variada e a posibilidade de continuar nas escolas das entidades colaboradoras.
Éxito do deporte estival
A promoción do deporte seguiu co programa ‘Coruña en forma‘ que contou cunha participación moi alta, cunha media de 425 participantes semanais. A iniciativa continúa ata finais de setembro, con oito disciplinas deportivas en seis espazos diferentes da cidade.
Pola súa parte, os campamentos de verán da Concellería de Deportes contaron cun total de 720 nenas e nenos nas quendas convocadas entre o 28 de xuño e o 3 de setembro.
