Alberto Núñez Feijóo, presidente da Xunta de Galicia, comparecía ante os medios logo de reunirse co Comité Clínico que analiza a pandemia de COVID-19 en Galicia e anunciaba: “Estamos por fin por debaixo do nivel máximo de risco. Galicia está fóra do nivel extremo”. Explicaba que en municipios con incidencia por debaixo dos 500 casos por 100.000 habitantes nos últimos 14 días se permitirán actividades como a deportiva, pero con límites. Unha medida que entraría en vigor o vindeiro venres 26 de febreiro.
En 189 concellos galegos, que se atopan agora mesmo cunha incidencia da COVID-19 por debaixo dos 250 casos por cada 100.000 habitantes nos 14 últimos días, o presidente Alberto Núñez Feijóo anunciou que se permitirá a práctica deportiva de “ata catro persoas non conviventes, sempre con máscara”. Tamén anticipou que se permitiría a apertura de espazos deportivos como ximnasios ou piscinas, pero se deberá respectar a distancia social entre as persoas usuarias e se deberá usar máscara.
Posteriormente, a información publicada nas redes oficiais da Xunta de Galicia, ampliaban esa opción tamén para os concellos que tivesen unha incidencia entre 250-500 casos por 100.000 habitantes. Esto engadiría 107 concellos galegos máis nos que se permitiría a práctica deportiva con as limitacións indicadas.
O presidente da Xunta destacaba na súa comparecencia que “a práctica deportiva vén de ser declarada como unha actividade esencial no Parlamento” e con iso significaba a súa necesidade.
Alberto Núñez Feijóo, presidente da Xunta de Galicia: “A práctica deportiva vén de ser declarada como unha actividade esencial”
Nestes concellos cunha incidencia por debaixo de 250 casos por cada 100.000 habitantes, tamén se permitirá a apertura da hostalaría nun 50% en terrazas, un 30% en interior, cunha distancia de 1,5 metros entre mesas e no coas barras pechadas, cun horario máximo até as 18:00 horas. Tamén estes municipios galegos, a mobilidade estará permitida entre concellos cun mesmo nivel de restricións.
Niveis de restrición en Galicia
O presidente da Xunta de Galicia explicaba que a evolución “está a ser boa. O que nos leva a dúas conclusións: as restricións e medidas funcionaron. A segunda é que temos que tomar medidas con axilidade cando a situación empeza a empeorar”. Explicaba que se lle vai dar “máis importancia á incidencia acumulada a sete días que a de catorce días”. Sinabala que se está “a avanzar na desescalada coa intención de non volver atrás, pero se temos que volver atrás farémolo”.
Pero tamén matizaba Núñez Feijóo que aínda “estamos lonxe dos obxectivos e debemos actuar con cautela cunha desescalada que dea lugar a unha apertura gradual e medida”
O avance nesa desescalada se levará a cabo de forma gradual nas diferentes actividades. Os levantamentos de restricións adiantados hoxe polo presidente afectan principalmente á hostelería, á mobilidade intermunicipal e á reunión de non conviventes. A apertura non é total en ningún lugar de Galicia. Como anunciaba o presidente Feijóo: “Será paulatina e á medida de cada territorio e situación epidemiolóxica. Haberá varios niveis e se aplicarán según os ámbitos”.
Alberto Núñez Feijóo, presidente da Xunta de Galicia: “estamos lonxe dos obxectivos e debemos actuar con cautela cunha desescalada que dea lugar a unha apertura gradual e medida”
Volta ás clases universitarias presenciais en marzo
Afecta a toda Galicia a nivel formativo que as clases nas universidades se retomarán o vindeiro 1 de marzo ofrecéndose un cribado ao alumnado. No caso comercial, desde o sábado 27/2/21 poderáse recuperar a apertura de centros comerciais na fin de semana.
En canto ao resto de niveis de pertura, os concellos con incidencia por encima dos 500 casos por 100.000 habitantes mantéñense as restricións vixentes. Trátase de 17 concellos galegos nos que persiste o peche da hostalaría e o confinamento perimetral no concello.
Para as localidades que están cunha incidencia entre 250 e 500 casos por 100.000 habitantes se permitirán as reunións de ata catro persoas non conviventes, na hostalaría poderá abrirse as terrazas até o 50% como moito ata ás 18:00 horas. E a mobilidade poderá realizarse entre concellos coa mesma situación epidemiolóxica. Nesta situación estarían 107 concellos galegos.
