O Dépor ABANCA adestrou hoxe por última vez en Abegondo coa cabeza posta na visita ao VDE Granadilla Tenerife Egatesa, correspondente á 18ª xornada na Primeira Iberdrola que se disputará o vinderio domingo 26 de xaneiro (18:30 hora peninsular, 17:30 hora local) no campo da Palmeira (San Isidro).
As pupilas de Manu Sánchez, unha vez conseguido o obxectivo dos 30 puntos, teñen por diante case toda a segunda volta para soñar por todo o alto. Como se soe decir, non hai dúas sen tres, e as galegas buscarán a terceira vitoria consecutiva que as mantendría na loita polo terceiro posto, moi disputado co Levante.
A novidade na convocatoria é a ausencia da internacional venezolana Michelle Romero, que se queda fóra de maneira forzosa cunha escordadura no seu nocello dereito.
Adestramento do sábado en Tenerife
As herculinas teñen previsto o voo rumbo ás illas durante o día de mañá, para realizar, xa en terras tinerfeñas, o último adestramento previo ao partido do domingo. Manu Sánchez dirixirá o derradeiro adestramento no campo de fútbol A Saúde (Santa Cruz de Tenerife).
A expedición galega ten programado o regreso á Coruña o luns 27, vía Madrid. As branquiazuis farán noite en Tenerife tras o partido para voar a Coruña cunha escala previa na capital.
O plan de viaxe do conxunto branquiazul é o seguinte:
Sábado 25 de xaneiro
11:35: Saída do voo do Aeroporto da Coruña con destino ao Aeroporto de Tenerife Norte
13:30 (hora local aproximada, 14:30 peninsular): Chegada ao Aeroporto de Tenerife e aloxamento no Hotel NH
Tenerife 17:30 (hora local, 18:30 hora peninsular): Adestramento no campo de fútbol A Saúde (Santa Cruz de Tenerife)
Domingo 26 de xaneiro
18:30 (hora peninsular, 17:30 hora local): VDE Granadilla Tenerife Egatesa – Deportivo ABANCA, no campo da Palmeira (San Isidro).
Luns 27 de xaneiro
11:10 (hora local, 12:10 na península): Saída do voo do Aeroporto de Tenerife Norte con destino ao Aeroporto de Madrid Adolfo Suárez
15:45: Saída do voo do Aeroporto de Madrid Adolfo Suárez con destino ao Aeroporto da Coruña
17:05 (horario aproximado): Chegada ao Aeroporto da Coruña
