Partido de golazos no que o UDG Tenerife saíu con moitas ganas e xerando moito perigo nos primeiros intres do partido. O Campo da Palmera vibrou cun comezo vertixinoso das súas xogadoras, mentres o Dépor sufría nos primeiros minutos, no que non estiveron cómodas sobre o verde artificial de Tenerife. Misa, a salvadora durante os primeiros minutos.
Manu Sánchez volvía a apostar por Tere Abelleira no once inicial, tras dúas xornadas partindo desde o banco. A que tivo que esperar a súa oportunidade foi Nerea. No seu lugar xogou Villegas de lateral esquedo e Laura ocupou un posto na zaga. Misa volvía a poñerse baixo paus debido á alternacia que está a ter con Sullastres, e foi determinante.
Duelo Martín-Prieto vs Misa
Tras varias ocasións de ambos equipos, chegaba o duelo entre Martín-Prieto e Misa. A dianteira sevillana e a gardamallas de Gran Canaria viviron un duelo particular. A primeira buscaba o gol con varias ocasións moi claras, mentes que a cancerbeira atallaba todo o que pasaba polo área galego, para desesperación da killer.
Marcaba o minuto 7 no luminoso cando Misa voaba para facer unha das paradas da xornada. A tiro de quen senón outra que de Martín-Prieto. Difícil quedarse co gran tiro desde a frontal ou co paradón da canaria. A cancerbeira xogaba o seu derbi particular e estaba a demostrar o seu gran estado de forma e a súa motivación.
Un minuto despois o Granadilla anotaba o primeiro pero era anulado por un claro fóra de xogo de Martin-Prieto. A dianteira estivo en todas as xogadas de perigo do seu equipo ata que foi sustituida no minuto 56.
No minuto 21, o perigo das tinerfeñas tiña os seus frutos co primeiro gol tras un bo centro lateral no que a dianteria serbia Allegra, cabeceaba ao fondo das mallas.
Posible gol pantasma para o Granadilla
Corría a media hora de partido cando Maya facía o empate tras unha obra de arte de Athenea. Gran conducción da cántabra por banda esqueda que deixaba atrás ao seu par e cedía o balón para que a xaponesa marcara a pracer. A resposta chegaba un minuto despois cando a o Granadilla estoupaba o balón ao longueiro nunha xogada moi dudosa no que o balón petou na liña de gol. Posible gol pantasma na Palmera. Tras varias repeticións é dificil decantarse por se o balón entrou ou non meta. Con un 1-1 chegábase ao descanso en Tenerife.
Tras o tempo de lecer, volvéronse a ver as caras Martín-Prieto e Misa. O duelo tan só durou 15 minutos máis xa que a dianteira foi sustituida pero foi tempo máis que suficiente para que volveran a atoparse. A gardamallas foi un auténtico pesadelo para a dianteira sevillana e a killer foi un incordio constante para a zaga galega.
Peke quería anotar o seu gol particular e tras unha gran xogada, recortou ao seu par na área e golpeou a porta. Aline Reis respondeu moi ben cunha gran intervención. A resposta chegaba un minuto despois tras outra boa internada Martín-Prieto que gañou a espalda da defensa e Villegas nun intento por despexar, meteu o balón na súa propia porta. Volvían a poñerse por diante as de Francis Díaz. Tras o segundo gol, Manu Sánchez, retirou a Laura e deu entrada a Nuria, para reforzar o lateral esquerdo. Villegas volveu á zaga.
Furacán María José que anotou o gol da xornada
Na segunda metade comenzaba o furacán María José. A dianteira tinerfeña anotou un hat-trick en tan só nove minutos. Avisábamos que fora un partido de golazos e comezaba o festival. Entraba en escena María José que facía unha verdadeira obra de arte no 3-1. Unha falta lateral colgada á area de Misa, chegaba as botas de M.J. que libre de marca e de espaldas a portería sacaba o taco e facía un dos goles da xornada, e posiblemente do ano. A bancada local non podía dar crédito da marabilla que acababa de facer a súa xogadora.
Na xogada seguinte María José facía o segundo gol na súa conta particular e poñía o 4-1 no luminoso. O Tenerife estaba a tumbar ao equipo revelación da Liga. A resposta galega veu co gol de María Méndez que recortaba distancias cun gran cabezazo tras unha falta lateral do flanco dereito da porteria de Aline Reis. 4-2 e o Dépor volvía a soñar con sacar un resultado positivo en Tenerife.
Nada máis lonxe da realidade, xa que dous minutos despois, chegaba o terceiro de María José tras un cabezazo na área pequena libre de marca. A dianteira tinerfeña pechaba unha tarde de ensoño cun hat-trick en apenas nove minutos. Os erros defensivos penalizaron moito as galegas e foi un lastre para sacar algún punto da Palmera.
Partido de golazos
A resposta a obra de arte da 17 do Granadilla chegaba no minuto 76 cando Kika quitaba as teas de araña da escuadra dereita da porta de Alina Reis. A venezolana saíu desde o banco sustituindo a Tere e pouco tempo necesitou para presumiu de golpeo.
Con 5-3 chegábase ao final dun auténtico partidazo de fútbol, con moitos goles e moi entrenido para os afeccionados. Na vindeira xornada o Dépor recibe a un rival directo, o Athletic de Bilbao que chega con boas sensacións tras a súa vitoria ante o Valencia.
FICHA TÉCNICA
VDE GRANADILLA TENERIFE: Aline Reis, Estella (Natalia Ramos, min. 76), Jujuba, Patri Gavira, Pisco, Eva Llamas, Silvia Doblado (Paola, min. 90+2), Poljak, Pleuler, Mari Jose (Joyce, min. 79) e Martín-Prieto (Ana González, min. 57).
DÉPOR ABANCA: Misa, Cris, María Méndez, Laura (Nuria, min. 52), Noelia Villegas, Maya Yamamoto (Alba Merino, min. 66), Iris, Teresa Abelleira (Kika, min. 73), Gaby, Athenea (Arbeláez, min. 81) e Peke.
GOLES: 1-0 Poljak ( min. 22); 1-1 Maya Yamamoto ( min. 32); 2-1 Noelia Villegas, en propia meta ( min. 51); 3-1 Mari Jose (min. 54); 4-1 Mari Jose (min. 60); 4-2 María Méndez (min. 62); 5-2 Mari Jose (min. 64); 5-3 Kika (min. 79).
COLEXIADAS: Arregui Gamir ( c. vasco). Tarxeta amarela a Estella (min. 35), Maya Yamamoto (min. 37) e Pleuler (min. 71).
INCIDENCIAS: partido da 18ª xornada da Primeira Iberdrola disputado no campo da Palmera (San Isidro, Tenerife) ante uns 500 espectadores.
