O Deportivo ABANCA volve a xogar en Abegondo por segunda vez en tan só catro días. O conxunto deportivista recibe ao Sporting de Huelva o sábado ás 11:00 e quererá volver á senda da vitoria en Liga. Tres derrotas e un empate e o balance das galegas nos últimos catro partidos na competición doméstica.
As pupilas de Manu Sánchez volveron aos adestramentos onte ás 17:00 para centrarse no partido fronte as adaluzas. As galegas queren volver a gañar diante da súa afección, xa que levan sen poder facelo desde o pasado 19 de xaneiro, cando o Dépor impúxose por 3-1 ao Real Betis.
As onubenses chegan á Coruña tras recibir un serio correctivo no estadio Johan Cruyff ante o FC Barcelona e caer por 7-0. O Dépor encara o seu terceiro partido ligueiro en 6 días coa visita do Sporting Huelva á Cidade Deportiva correspondente á xornada 21 da Primeira Iberdrola.
Para o encontro, Manu Sánchez contará coa baixa importante de Alba Merino que estará fóra dos terreos de xogo preto de dous meses debido á fractura de clavícula sufrida o pasado mércores no partido de Liga. A capitá, de feito, foi a encargada de golear no partido de ida, no que o Dépor impúxose 0-1 ao Sporting de Huelva no Nuevo Colombino.
Tras o empate do pasado mércores fronte á Real Sociedad (3-3) as galegas volveron aos adestramentos e contou con dúas sesións de preparación antes do partido do vindeiro sábado:
Jueves 20 de febrero
17:00: Entrenamiento en Abegondo
Viernes 21 de febrero
17:00: Entrenamiento en Abegondo
Sábado 22 de febrero
11:00: Deportivo ABANCA – Sporting Huelva, en Abegondo
