Dépor B e Umia gañan con contundencia os seus duelos e se copian os resultados. O filial deportivista impúxose 3-0 ao Sárdoma mentres que o Umia fixo o propio contra o Oceja. Con esta vitoria, as de Kevin Cabado afiánzanse na terceira praza. O Umia de Tino Buján sae de postos de descenso momentaneamente, á espera dos resultados dos seus rivais directos.
O filial deportivista impón a súa efectividade
A primeira parte en Abegondo comezaba de maneira moi igualada con escasas ocasións por parte de ambos conxuntos. As herculinas tentaron buscar as costas da defensa do Sárdoma con balóns en largo e fixeron dano, pero rápido axustouse a zaga visitante.
O gol deportivista chegou cun balón colgado desde unha banda que non puido despexar a defensa do Sárdoma. Patricia empurrou o balón ao segundo pau, pasando entre as pernas de Sara. Despois do gol, as de Víctor González subiron una marcha e o partido empezou a xogarse no campo local. As de Cabado quería sacar o balón xogado desde atrás pero non eran capaces de romper a presión visitante.
Tras o partido, o adestrador do Sárdoma, Víctor González, valorou para As Nosas o resultado final: “Creo que o 3-0 foi moi inxusto. Só podemos felicitalas polo seu gran traballo e pensar en que traballando os partidos desta maneira o equipo vai seguir crecendo”.
Víctor González, adestrador do Sárdoma: “Creo que o 3-0 foi moi inxusto. Só podemos felicitalas polo seu gran traballo e pensar en que traballando os partidos desta maneira o equipo vai seguir crecendo”.
Na segunda parte, o duelo seguiu polos mesmos derroteiros e o Dépor B impuxo a súa calidade e efectividade.
Tras unha xogada por banda, o balón quedou morto na área pequena e Patricia volveu anotar, conseguindo o segundo gol do partido e tamén o segundo na súa conta particular.
Con 2-0 o Sárdoma volcouse na área rival e creou perigo con varios achegamentos e tiros afastados pero que non chegaron a bo porto. Coas de Víctor volcadas, o conxunto deportivista matou o partido. O terceiro e derrairo tanto chegaría nun centro lateral que pega na perna de Sandra acaba no fondo das mallas.
González quixo felicitar ás súas xogadoras tras a dura derrota: “Absolutamente nada que reprochar ao equipo que fixo un grandísimo traballo, entendendo todos os cambios que tiñamos debido ás baixas ou situación dalgunhas xogadoras e que executaron á perfección”.
Víctor González, adestrador do Sárdoma: “Absolutamente nada que reprochar ao equipo que fixo un grandísimo traballo, entendendo todos os cambios que tiñamos debido ás baixas ou situación dalgunhas xogadoras e que executaron á perfección”.
O Umia colle ritmo
O conxunto de Tino Buján segue coa boa dinámica e acada unha gran vitoria na casa ante a súa afección. As galegas saíron moi enchufadas nos primeiros intres do encontro e primeiro Lidia no minuto 12 e logo Eva no 15 encarrilaron o partido para as de Ribadumia.
Tras poñerse por diante tan pronto, o Oceja non baixou os brazos e puxo as cousas moi difíciles ás galegas. Tino falou ao rematar o encontro do bo comezo das súas: “Saímos moi concentradas e sabiamos da importancia deste partido. Saír tan enchufadas foi determinante. Puxémonos 2-0 moi pronto pero elas foron moi correúdas, non tiveron grandes ocasións pero foron moi intensas.
Tino Buján, adestrador do Umia: “Saímos moi concentradas e sabiamos da importancia deste partido. Saír tan enchufadas foi determinante. Puxémonos 2-0 moi pronto pero elas foron moi correúdas”.
Co marcador 2-0 chegábase ao descanso. Na segunda parte, as visitantes cambiaron o debuxo táctico e deixaron de xogar con cinco atrás. A guinda do pastel en forma de terceiro gol faríao Eva a pase de Carla. Un 3-0 co que o Umia sae de postos de descenso.
Tino Buján, adestrador do Umia: “Eva fixo un partidazo, foi a mellor do partido outra vez, como a semana pasada”.
