Non digades gol, dicide mellor Peke. A dianteira vasca está en estado de gracia e todo o que toca o converte en gol. Se encima ten ao lado a súa mellor socia, Athenea, seguro que veremos goles. A pesar do Hat trick da 18 o Dépor non pudo pasar do empate en Abegondo (3-3). Ainda ási, volveu a recuperar as boas sensación de xogo e cortou as tres derrotas seguidas en Liga. O de Peke cos goles xa é outra historia que contar.
O conxunto galego saíu a Abegondo con ganas de afastar ás meigas e volver á senda da vitoria. Para iso Manu Sánchez fixo bastantes rotacións, devolveu á dupla de ataque a Peke e Athenea, un seguro de gol para as galegas. No exe da zaga deu descanso a Villegas e entrou por primeira vez a colombiana Bedoya, que completou unha gran primeira parte. O técnico galego tamén quixo dar refresco a Tere (tivo que entrar aos 10′ por lesión de Alba Merino) e Gaby, dúas xogadoras que acumulan moitos minutos. Hai que recordar que o conxunto galego vai xogar dous partidos de Liga en apenas catro días.
A primeira ocasión clara xa tivo cor branquiazul. Unha boa circulación de balón que chegou aos pés de Alba Merino no lado dereito do ataque deportivista, a 8 filtrou para Athenea e o pase da morte da cántabra non encontrou compañeira. As galegas querían empezar golpeando primeiro.
A Real Sociedad fixo unha presión moi alta para dificultar a circulación das galegas e nun erro de Sullastres na entrega, case chega o primeiro do partido para as vascas.
Non levaba o partido nin 10 minutos cando Alba Merino tivo que ser sustituida por unha lesión na clavícula. No seu lugar entrou Tere Abelleira. Caía a capitá nun lance fortuíto e poñíanse as cousas máis difícules para as deportivistas. A madrileña foise en camilla do terreo de xogo e haberá que esperar a gravidade da lesión. A 8 é clave para os planes de Manu Sánchez.
Minuto máxico
Era o seu minuto e a vasca demostrou todo o seu talento contra as da súa terra. Balón largo de Iris que Peke aproveito ás mil marabillas. Gran control, desplegue de velocidade e a dianteira foi derrubada na área por Mendoza. Penalti no 18 para a 18 do Dépor. Nada podía saír mal. A propia killer foi a encargada de transformar o penalti. Peke segue en racha e cando está Athenea, o gol do Dépor está asegurado.
A Real asumíu ben o golpe e empataría tan só tres minutos despois. Unha gran asistencia de Lucía deixaba soa a Nahikari e a internacional non perdonou. A 7 puxo as táboas no luminoso tras definir con moita templanza e calidade. Duelo de grandes dianteiras o visto hoxe en Abegondo.
“Peke, Peke”
A gran presión da Real seguía dificultando moito á saida de balón coruñés. O Dépor buscaba unha saída limpa con Iris pero a presión en bloque e coordinada do conxunto txuri urdin foi moi boa. Pero Peke é un volcán e cando máis difícil parecen as cousas ahí está ela. Media hora de partido e a dianteria vasca devolveu a ventaxa ao Dépor. Gran robo en defensa de Bedoya, que estivo moi acertada durante a primeira parte. O balón chegaba a Tere e a galega sacou a varita para deixar a Peke diante de Adriana. A 18 perforou a rede e fixo saltar á bancada galega que arricouse cos cánticos de “Peke, Peke”.
No 35′ chegaba a gran oportunidade para Tere pero obtivo unha respota de gran nivel por parte de Adriana. O Dépor non quería ceder máis puntos no seu feudo e dou mostras delo. A pesar das dificultades na saída de balón, no ataque tivo moita mordente e determinación.
Sen capitás
Se no minuto 9′ foi Alba Merino a que tivo que saír do verde por lesión, sería no filo do descanso cando a capitá e goleadora das vascas, Nahikari tería que abandoar por unhas molestias. A colexiada Ylenia Sánchez engadiria 4 minutos cos que morrería esta primeira metade de goles e bo fútbol en Abegondo.
A segunda parte comezou cun xarro de auga fría para as galegas. Cardona roubou un balón á frontal do área e plantouse diante de Sullastres para definir á perfección. Minuto 50′ e volta ao comezo.
Peke, de que planeta viñeches?
Cando a montaña é máis difícil de escalar ahí está Peke para volver a dar un soplo de aire fresco ás galegas. Corría o minuto 59′ e chegaba o balón para Michelle Romero, na súa última xogada antes de ser substituida. A venezolá encarou á zaga vasca e tras un disparo a porta rexeitado por Adriana o balón caía en boca de gol e Peke. A 18 ten un idilio co gol e a día de hoxe non hai quen a pare. 3-2 para un Dépor que non cedía terreo e quería volver á senda da vitoria no seu feudo.
Asturias e Galicia calidade
De Tere xa se sabe que en cada partido deixa mostra da súa inmensa calidade pero María Méndez quixo sumarse á festa de canos e regates. Preto do 75′ a asturiana e a galega fixeron unha gran xogada tras varios regates e canos que por pouco finaliza Athenea no cuarto tanto para o Dépor. A bancada non daba crédito e os “oes” foron a máis ante a gran beleza das xogadas das branquiazuis.
Nuria e Cris volveron a ser dous puñais polas bandas e xeraron moito perigo. Zurda e diestra son laterais pero con alma de extremas. Cada centro que poñían creaba sensación de perigo. Se elas están ben, o Dépor nótao.
Tras o terceiro de Peke o partido pasou ao dominio deportivista que coa posesión intentaba durmir o encontro, pero cando máis cómodo estaban as de Manu Sánchez chegaba o empate de Cecilia tras empalar o balón despois de un rechace. Partido de moito ida e volta e empate de novo no marcador.
A pesar dos últimos esforzos das galegas, o marcador non se movería máis en Abegondo e chegaríase con táboas ao final dos 90 minutos. Gran encontro entre dous equipos que seguen a facer unha gran tempada. O Dépor suma 31 puntos e está a dous do cuarto posto ocupado polo Athletic Club (33). A Real (30) permanece a un punto das deportivistas na sexta posición. Agora xa toca pensar no partido do sábado fronte ao Sporting de Huelva tamén en Abegondo.
FICHA TÉCNICA
DEPORTIVO ABANCA: 1 Sullastres, 22 Cris (85′), 14 María Méndez, 15 Bedoya, 11 Nuria, 5 Iris, 8 Alba Merino (9′), 10 Kika (60′), 6 Romero (60′), 9 Athenea, 18 Peke.
Suplentes: 13 Misa, 3 Tere Abelleira (9′), 12 Arbeláez, 17 Maya (60′), 19 Gaby (60′), 20 Villegas e 26 Patri López (85′).
REAL SOCIEDAD: Adriana, Iraia, Maddi, Etxezarreta, Nahikari 42′), Palacios (66′), N. Eizagirre (76′), M. Cardona (76′), L. Baños, Lucía e N. Mendoza.
Suplentes: Quiñores, Tejada, S. Olaizola (42′), Manu (76′), C. Blanco, Cecilia (76′) e Roda (66′).
GOLES: 1-0 Peke (18′), 1-1 Nahikari (21′), 2-1 Peke (30′)
ÁRBITROS: Ylenia Sánchez (colexio catalán), Matilde Esteves-García, Mariona Peralta e Beatris Cuesta.
INCIDENCIAS: Partido correspondente ao partido adiado da xornada 14 da Liga Iberdrola no que enfrontou ao Dépor ABANCA e a Real Sociedad na Cidade Deportiva de Abegondo.
