Parece que a custa de xaneiro non afecta a todos por igual. Son moitos os equipos da Liga Iberdrola que ficharon para poder reforzarse de cara a unha segunda volta que vai a ser intensa e moi disputada. O mercado pechouse o vindeiro 31 de xaneiro e non todos os equipos acudiron a este mercado invernal. É tempo de mudar e de facer as maletas para moitas xogadoras.
As de Manu Sánchez, contaron con dúas incorporacións invernais, as colombianas Carolina Arbeláez e Lorena Bedoya. A outra gran nova desta xanela de fichaxes foi a volta de Anair Lomba ao seu quiero Espanyol. Ainda que foi un mercado bastante movido, foron cinco equipos os que decidiron conformarse coas súas plantillas actuais. É o caso de Athletic, Levante, Rayo Vallecano, Real Sociedad, , Valencia e Tacón.
Fichaxes con sabor cafeteiro
O coxunto herculino foi o máis madrugador tras a apertura do mercado invernal, coas chegadas de Carolina e Lorena. As xogadoras internacionais colombianas chegaron ao conxunto herculino para reforzar o centro do campo deportivista. Na víspera de noiteboa recibía a afección galega a noticia de que a internacional colombiana, Carolina Arbeález fichaba polo Dépor. Catro días despois, o 27 de decembro era a súa compatriota, Lorena Bedoya a que asinaba e enfundábase a elástica branquiazul.
Carolina Arbeláez, primer reforzo do Dépor no mercado invernal
Adeus de Silvia Mérida e Érika
O conxunto galego tamén contou con dúas baixas neste mercado invernal. O Dépor despedíuse das xogadoras e quixo “agradecer moi sinceramente a Silvia e Érika a súa aposta por sumarse ao proxecto do Deportivo ABANCA e o seu traballo, esforzo, dedicación, profesionalidade e deportivismo, protagonizando momentos históricos do Club como o ascenso a Primeira Iberdrola logrado o pasado verán.
Anair Lomba fai realidade o seu soño no último día de mercado
A xogadora da Guarda retirouse o pasado verán tras finalizar o seu contrato co Valencia e nesta xanela de fichaxes de inverno, converteuse no reforzo do Espanyol no último día de mercado. Segundo confirma o club, a xogadora asinou polo que queda da tempada 2019/20, máis unha tempada máis, ata o próximo 30 de xuño de 2021.
Lombi cumpre o soño de voltar ao equipo dos seus amores, un equipo perico ao que defendeu as súas cores durante tres anos, entre 2014 e 2017. Agora regresa co equipo catalán como pechacancelas da categoría e sen coñecer aínda a vitoria este curso.
O conxunto perico tamén contou coa incorporación do adestrador Jordi Ferrón ata final de tempada despois da súa experiencia no Seagull de Badalona, onde estivo cinco cursos e conseguiu en distintas ocasións a súa clasificación para o play- off de ascenso a Primeira División.
Como xogador foi medalla de prata nos Xogos Olímpicos de Sydney xunto a Tamudo e Capdevila. Na xornada 16 o Dépor venceu con claridade na Cidade Deportiva Dani Jarque por 3-0 con Ferrón xa no banquillo perico.
Fichaxes no resto da Liga Iberdrola
Oito incorporacións para o Madrid CFF
En total, o conxunto madrileño anunciou oito fichaxes nestas últimas semanas. O último en facerse oficial é¡foi o de Valéria, que chegou á capital tras ser nomeada mellor atacante do campionato Paulista 2019 en Brasil.
Non será a única brasileira do equipo, ao que tamén chegou nos últimos días Antónia Silva e Geyse Ferreira. Ao talento brasileiro súmanse as fichaxes da coreana Jang Sel- G, a estadounidense Amanda Frisbie, a norueguesa Ingrid Moe, nixeriana Rita Chikwelu e a camerunesa Marie Aurelle Awona.
Ingrid Moe Wold foi a primeira fichaxe do Madrid CFF neste mercado invernal. A norueguesa é unha xogadora completa e cunha gran experiencia ao máis alto nivel. Un baluarte defensivo que tamén achega en ataque, onde é capaz de crear moito perigo. En 2012 empezou a ir coa selección norueguesa absoluta, coa que xa suma 62 partidos e tres goles, ademais de disputar dous Mundiais, os de 2015 e 2019.
Cinco caras novas no Granadilla
Clare Pleuler é unha centrocampista estadounidense de 26 anos que chega procedente do Sparta de Praga. Tamén xogou con anterioridade no Spartak Subotica e Boston Breakers e destaca pola súa disciplina física, disparo de longa distancia e destacado balance en situacións dun contra un.
Kayla Adamek é unha dianteira canadense de 24 anos que chega procedente do ZFK Spartak Subotica. Anteriormente xogou en Orlando Pride e Laval Comets. Destaca polo seu xogo agresivo, habilidade no caneo e definición para portería.
Taylor Porter é unha centrocampista estadounidense de 22 anos que chega procedente do ZFK Spartak Subotica. Anteriormente xogou en Orlando Pride e a NC State University. Destaca polo seu traballo de contención, caneo, técnica e disparo de longa disrancia.
Rafaela Ancheta é unha defensa procedente do Gremio de Porto Alegre brasileiro e internacional coa selección de Uruguay. A central de 23 anos, nacida en Brasil e con pasaporte uruguaio, reforzou a retagarda branquiazul e firmou ata xuño de 2020 con opción a unha tempada máis. Destaca pola súa fortaleza física e polivalencia nas posicións máis atrasadas, dado que tamén pode desempeñar o rol de mediocentro defensivo e lateral esquerdo.
Katie Murray é unha centrocampista norteamericana que chega procedente do Myran Finés. Murray destaca pola súa gran visión de xogo e velocidade, cousa que a diferenza do resto de incorporacións e xogadoras do persoal insular. Ademais, é capaz de prodigarse en ataque, onde conta cun potente disparo.
O plantón de Deyna ao Tacón e o seu fichaxe polo Atlético de Madrid
Un reforzo de luxo para o Atlético de Madrid que conseguiu arrebartar ao Tacon a súa fichaxe estrela deste mercado invernal tras semanas esculándose coa súa chegada ao conxunto taconero. A venezolana, con todo, optou polo campión de liga para formar unha dianteira de ensoño xunto a Duggan, Ludmila e Charlyn Corral.
A talentosa dianteira de 20 anos ten ás súas costas unha gran traxectoria profesional a pesar da súa idade. Con só 15 anos, Deyna debutou coa selección absoluta de Venezuela na Copa América de 2014.
Regreso de Cherubino ao Betis
Pier Luigi Cherubino, quen fose xogador do Betis entre 1995 e 1997, regresaou a Heliópolis como adestrador do equipo feminino tras a destitución días atrás de Antonio Contreras por malos resultados. O técnico hispano-italiano levará as rendas do Betis ata final de tempada, como comunicou o club nos seus medios oficiais.
Todas as fichaxes da Primeira Iberdrola:
Athletic: Sen fichaxes.
Atlético: Deyna Casteláns (Venezuela), Carolina Arias (Colombia).
Barça: Ana Crnogorcevic (Suíza).
Betis: Anna Buhigas (Estados Unidos), Samantha Dewey (Estados Unidos).
Deportivo: Carolina Arbeláez (Colombia), Lorena Bedoya (Colombia).
Logroño: Dany Helena (Brasil), Ana Carol (Brasil), Daniela Caracas (Colombia).
Espanyol: Raiza Santos (Brasil), Manuela Vanegas (Colombia) e Anair Lomba.
Granadilla: Katie Murray (Estados Unidos), Rafaela Ancheta (Brasil), Kayla Adamek (Canadá), Taylor Porter (Estados Unidos), Clare Pleuler (Estados Unidos).
Levante: Sen fichaxes.
Madrid CFF: Marie Aurelle Awona (Camerún), Valeria Cantuario (Brasil), Antonia Silva (Brasil), Geyse Ferreira (Brasil), Jang Sel- Gi (Corea do Sur), Amanda Frisbie (Estados Unidos), lngrid Moe (Noruega), Rita Chikwelu (Nixeria).
Rayo Vallecano: Sen fichaxes.
Real Sociedad: Sen fichaxes.
Sevilla: Uchenna Kanu (Nixeria).
Sporting de Huelva: Ana Jelencic (Croacia), Danica Evans (Estados Unidos), Kristina Fisher (Estados Unidos), Ernestina Abambila (Ghana).
Tacón: Sen fichaxes.
Valencia: Sen fichaxes.
