O Dépor ABANCA continuará a vindeira tempada onde merece estar: na elite do fútbol feminino nacional, tras un empate que lle garante competir ao máis alto nivel no curso 2025/2026. A chuvia ameazaba que fose un encontro pasado por auga no derradeiro encontro de Liga F que As Nosas desputarían na casa, máis saiu o sol, e de que maneira, sobre o Estadio Municipal de Riazor para comezar a conxura de cara a permanencia.
Fran Alonso, adestrador do Dépor ABANCA, quixo saír co seu once de gala, o que conta con Inês Pereira, Samara Ortiz, Vera, Marina Artero, Paula González, Millene, Ainhoa, Olaya, Raquel, Lucía e Paula Novo. O mesmo que o seu homólogo, David Losada, debuxando unha pizarra coas máis habituais do cadro hispalense. Así, foron titulares Esther Sullastres e Iris Arnáiz, que retornaban á que fose a súa casa, acompañadas por Eva Llamas, Alicia, Lucía Corrales, P. González, Fatou, Diana G., Gemma, Padilla-Bidas e Alba López.
Aos 10 minutos de encontro, a gardamallas local poñía un balón en longo para que Millene peinase e deixar encarar soa Ainhoa a portería de Esther Sullastres. Perseguiuna Alba López e finalmente non puido completar a acción a catalana. Pedíase maior castigo por parte da colexiada do encontro, Calvo Valentín, que optou por non asubiar nada.
Cedo avisaba o Sevilla F.C, que tras unha saída a destempo da gardameta Inês, favorecía o disparo de Gemma desde lonxe e que finalmente non encontrou porta. Corría o minuto 25 cando Ainhoa Marín internaba por banda esquerda e poñerlle un excepcional pase a Paula, sen conseguir remate pola participación crucial da defensa andaluza.
Dépor ABANCA 1- 1 Sevilla F.C.
Case na xogada posterior nova quenda para o ataque local, cando Samara gambetea á súa marca e chega a área rival para asistir a Millene, que rematou de primeiras pero o seu disparo bateu na defensa hispalense.
No minuto 35 chegou a gran primeira acción de garantías para Inês Pereira, respondendo con gran tranquilidade a un man a man de Padilla-Bidas e atrapando o balón cando semellaba que a moeda caería do lado das andaluzas. Tranquilidade polo momento.
Con practicamente o tempo cumprido nunha das derradeiras accións da primeira metade e coa bancada cantando gol, Millene errou unha ocasión que sería gol 99 de cada 100 veces para a brasileira. Samara púxolle un perfecto balón filtrado desde a banda esquerda para que a 10 do Dépor ABANCA regatease a Sullastres e posteriormente, errase na finalización. Marchabamos ao descanso como empezabamos, empate a cero no electrónico.
Descanso máis longo do habitual
Por criterios de unificación da xornada, o descanso tivo unha duración maior que de costume. Minutos engadidos para que a afección recibise no verde como se merece ás xogadoras do Dépor ABANCA B, tras conquistar o título da Terceira Federación e ascender de xeito directo a Segunda.
Comezo da segunda metade
Comezou a segunda metade como rematou a primeira, co Dépor ABANCA tendo o balón pero con ocasións para ámbolos dous conxuntos. No minuto 63 introducía Fran Alonso o primeiro troco, Paula novo por Bárbara, nunha clara aposta ofensiva na busca de tomar vantaxa no marcador. No minuto 73 entrarían Bennet e Eva Dios por Paula G. e Millene respectivamente; no minuto 87 Hmírová por Ainhoa e Elena por Lucía.
O adestrador do Sevilla, David Losada, fixo o propio, xa que o partido estaba tomando unha deriva na que ninguén remataba de tomar a iniciativa. Paula Partido, Raquel e Cortés entraron por Padilla, Alba e Ali Redondo.
A piques de cumprirse o minuto 90 de partido, e cando todas pensabamos que o encontro remataría con empate a cero, Kanteh anotou o tanto que facía tremer as esperanzas branquiazuis. Fíxoo a balón parado, tras un saque de curruncho.
Bennett faise un oco na historia do Dépor
Dous minutos despois, Elyse Bennett fíxose oco na historia do Dépor ABANCA por méritos propios. Estréase como anotadora na Liga F e de que maneira, tras un remate axustado ao pao dereito de Esther Sullastres, desatando o éxtase na bancada que hoxe ocupaban 5.093 persoas no Estadio Municipal de Riazor.
Obxectivo cumprido, tras acadar os 27 puntos e confirmarse novamente equipo de Liga F. Na 2025/2026, máis e mellor.
FICHA TÉCNICA
1) DÉPOR ABANCA: Inês Pereira, S. Ortiz, Vera, M. Artero, Paula G. (Bennett, min. 73), Millene (Eva Dios, min. 73), Ainhoa (Hmírová, min. 87), Olaya, Raquel, Lucía (Elena, min. 87), Paula Novo (Bárbara, min. 64).
1) SEVILL FC: Sullastres, Eva Llamas, Alicia, Lucía Corrales, P. González, Fatou, I. Arnáiz, Diana G., Gemma, Padilla-Bidas, Alba López.
EQUIPO ARBITRAL: Elisabeth Calvo Valentín, amonestou á local Samara Ortiz e ás visitantes Diana G, Padilla-Bidas, Alicia Redondo.
GOLES: F. Kanteh, min. 90, (0-1); Bennet, min. 90+2, (1-1).
INCIDENCIAS: Partido correspondente á xornada 29 de Liga F, desputado no Estadio Municipal de Riazor ante 5.093 persoas.
