Viuse na Cidade Deportiva de Abegondo a un RC Deportivo ABANCA con marxe de mellora ao que aínda lle falta pegada no ataque e, por momentos, orde na defensa. Diante tiveron a unha Real Sociedad moi seria que desenvolveu no tepe un fútbol práctico e efectivo. A mellor das visitanes foi a cancerbeira Mariasun Quiñones que deu ao traste coas ocasións locais.
Houbo dúas metades unha para cada equipo. Os primeiros 45 minutos foron para as de Natalia Arroyo e os segundos para as de Manu Sánchez. Pero houbo moita máis efectividade cara á porta rival no bando da Real Sociedad que materializou dous goles, mentres que o Dépor non foi quen de perforar a porta dunha inspirada Mariasun Quiñones. A guardamallas até lle parou unha pena máxima a Peke, que hoxe non tivo o día.
Gradas baleiras en Abegondo
Manu Sánchez, fiel as tradicións, luciu os seus pantalóns curtos. A intranquilidade do técnico quedou de manifesto no feito de que non chegou a sentar en ningún momento do choque. No banco contrario, debutaba á fronte do corpo técnico Real Sociedad en partido oficial Natalia Arroyo.
Na grada, a bancada baleira, que impresionaba e debuxaba unha realidade pandémica que obriga a xogar a porta pechada e que xa dixo o adestrador das galegas que non benefica ao Dépor. Noutro escenario, co campo cheo, posiblemente as futbolistas sentirían os azos da afección e conseguirían activar o seu fútbol antes mudando as cousas sobre o terreo de xogo. En definitiva, nada que ver o ambiente de Abegondo cos partidos que As Nosas deportivistas están afeita a xogar na casa.
Debutaba ocupando o carril esquerdo Kenni, a futbolista é unha das incorporación das galegas neste curso 2020-21 e acabou por ser retirada ocupando o seu posto Noelia Villegas.
A ex deportivista Nuria Rábano, moi activa
No minuto 12 de partido un pase longo de Nuria Rábano, que tivo boa visión de xogo no envío, non rematou con éxito. A súa compañeira, ao entreterse, non foi quen de aproveitar o pase e deu tempo a se organizar á zaga deportivista que se recompuxo velozmente.
Un minuto despois a mesma Nuria mandou a Franssi un pase desde a banda esquerda do ataque da Real. A xogada da compostelá provocou un córner que acabou en gol de Ana Tejada.
A compañeira de Nuria Rábano rematou o saque de esquina botado precisamente pola galega. Tejada, situada xusto na frontal da área pequena, remataba soa e a pracer e anotaba o 0-1 antes de chegar a cuarto de hora de xogo deste partido correspondente á segunda xornada da Primeira Iberdrola.
Confírmase así que, como reza o refrán: non hai peor cuña ca da propia madeira. Nuria Rábano, coñecedora da cancha, na que xoga como se estivera na casa, e das rivais, coas que leva adestrando anos, foi un dos baluartes do xogo txuri urdin.
O gol descolocou máis ao Dépor
Adiantábase polo tanto no marcador en Abegondo a Real Sociedad e chegaron minutos de desconcerto na zaga coruñesa, e tamén de control do balón e do xogo por parte das de Arroyo. O fútbol das visitantes facíalles chegar continuamente ás inmediacións da portaría defendida por Noelia Bermúdez, e o xogo se desenvolvía sobre todo en cancha deportivista. Non pintaba ben para as galegas.
O Dépor ABANCA amosaba unha imaxe descoñecida, descentrado en defensa e pouco vivo en ataque. Peke e Athenea del Castillo case non aparecían no xogo branquiazul e iso non é bo xa que denota falta de chegada. A presión alta da Real non deixaba pensar ás galegas nas que medraba a impotencia.
Chegados ao 19 min Lady Andrade bota unha falta pendurando o esférico na área pequena sen que as súas compañeiras lle gañen a posición ás rivais.
Xa no minuto 29 de xogo, Noelia Villegas entraba no campo da Cidade Deportiva de Abegondo no sitio de Kenni Thompson. Posto por posto. A espera de que se confirme que Kenni no estaba mancada (non o parecía), todo a punta a que Manu Sánchez optou por ese cambio no carril esquerdo do Dépor por unha cuestión táctica. Moi posiblemente para conseguir máis aporte defensivo nas galegas e conter dese xeito as internadas das donostiarras por ese costado.
Pepinazo ao longueiro de Stephanie Blanco
A mellor ocasión deportivista na primeira metade chegou nas botas da futbolista costarricense Stephannie Blanco. No minuto 35 enviou un zapatazo desde fóra da área nun saque de falta directa. O balón pegou no longueiro. A madeira recibiu o tiro da deportivista que tocou antes na defensa e desviu o xusto a Quiñones para evitar o gol.
Apenas dez minutos despois chegaría o 0-2. Ao borde do descanso un pase longo en carreira de largo en carrera a Bárbara. Intenta frenala Noelia Villegas, pero gáñalle a carreira e remata raso forte batindo a Noelia Bermúdez.
Chegouse ao descanso con dous tantos de ventaxa da Real Sociedad e un Dépor ABANCA desubicado.
Logo do descanso, todo mudou. O RC Deportivo asentouse no campo e o seu toque de balón empezou a fluir. Aínda non a o nivel esperado, pero mellorouse moito. O Dépor amosou otra imaxe, chegou moito máis a porta e sacou o balón do seu lado do terreo de xogo. Esa mellora no xogo branquiazul fixo repregrase á Real e minguou as ocasións de perigo que chegaban á meta de Noelia Bermúdez.
Athenea del Castillo tivo a mellor ocasión do Dépor ata ese momento no minuto 49 pero o seu remate de cabeza, cun centro desde a esquerda, foi moi feble e rematou indo directo ás mans dunha sempre atenta Mariasun Quiñones.
Peke erra unha pena máxima
Pese a mellora no seu xogo, as branquiazuis chegaban sen ocasionar gran perigo. Os remates eran inocentes, previsibles e non puñan realmente en aprietos a Mariasun Quiñones.
No minuto 59, Ana Tejada, a autora do primeiro gol das donostiarras, comete penalti sobre Athenea del Castillo cando a deportivista avanzaba cara á porta sorteado rivais desde a esquerda do ataque local. Desde o punto de penalti, Peke tivo o seu man a man con Quiñones. Disparou á esquera, e parou o seu tiro a cancerbeira vasca. Iso supuxo un golpe anímico para o Dépor.
#DéporABANCARealSociedad: triplo cambio n #asnosas no minuto 68, Kika, Michelle e Lía entran no lugar de Iris, Gaby e Lady#TocaVolverseMollar ⚽️ #UnÚnicoLatido 💙 #razónDÉcorazón pic.twitter.com/6F1KjJL8Qf
— RC Deportivo (@RCDeportivo) October 11, 2020
Manu Sánchez volveu mover o banco no minuto 68 dando entrada a Michelle Romero e a Lía, e retirando a Gabi e a Lady Andrade.
Bárbara, obstinada en ver gol novamente, topa con Bermúdez
Bárbara, que tiña anotado o segundo gol da Real, estivo a piques de marcar nun contragolpe, pero Bermúdez saiu ao seu encontro, cubríu os espazos de remate da futbolista e tocou o xusto para mandar a córner e evitar un gol. O balón saíu lambendo o pau. No saque de córner, novamente Bárbara remata e Bermúdez atrapa volvendo a frustrar a ansia de gol da futbolista visitante.
Nos cinco últimos minutos, as galegas estaban moi xustas de forzas, acusaron o esforzo, e sen baixar os brazos, porque iso non entra no ADN branquiazul, notouse que se reducía a intensidade na recuperación dos balóns ou nas contras.
O último cartucho local foi unha internada pola banda dereita de Peke que buscou co seu centro ás compañeiras na área pero o esférico non chegou en condicións a ningunha das deportivistas e a zaga da Real conxurou o perigo.
Queda traballo pero hai vimbias
Nos últimos compases do partido non había, como outras veces, alegría nos rostros e no fútbol das coruñesas. O ceño fruncido de Athenea del Castillo, que o intentaba sen éxito, era moi clarificador do que rondaba nas cabezas das galegas. Queda traballo por diante, pero hai vimbias e ganas de medrar sobre o campo.
Final do #DéporABANCARealSociedad en Abegondo, 0-2!#TocaVolverseMollar ⚽️ #UnÚnicoLatido 💙 #razónDÉcorazón pic.twitter.com/HaF3y5klBg
— RC Deportivo (@RCDeportivo) October 11, 2020
FICHA TÉCNICA
RC DEPORTIVO ABANCA: Noe Bermúdez, Cris, Bedoya, Stephannie Blanco, Kenni Thompson (Noelia Villegas, min. 30), Iris (Michelle Romero, min. 68), Alba Merino, Lady Andrade (Lía, min. 68), Gaby (Kika, min. 68), Peke e Athenea.
REAL SOCIEDAD: Mariasun Quiñones, Lucía, Nuria Mendoza, Tejada, Nuria Rábano, Maitane (Itxaso, min. 63), Leire Baños, Bárbara (Cecilia Marcos, min. 85), Gemma (Palacios, min. 63), Nerea Eizagirre (Manu, min. 85) e Franssi (Amaiur, min. 72).
GOLES: 0-1 Tejada (min. 15); 0-2 Bárbara (min. 42).
ÁRBITRA: Verónica González Sánchez (c. castellano-leonés). Tarxeta amarel a Leire Baños (min. 30), Nerea Eizagirre (min. 35) e Maitane (min. 45).
INCIDENCIAS: Partido correspondente á segunda xornada da Primera Iberdrola disputado a porta pechada na Cidade Deportiva de Abegondo.
