O Deportivo ABANCA tocoulle o rival máis difícil no sorteo de cuartos de final da Copa da Raíña. As galegas xogarán o vindeiro 25 ou 26 de febreiro no Estadio Johan Cruyff ante todo un FC Barcelona.
O sorteo que celebrouse ás 12:00 na sede da Federación Española de Fútbol na Cidade do Fútbol de Las Rozas (Madrid).
A eliminatoria, a partido único, disputarase nas instalacións deportivas dos equipos que disputaron os oitavos de final fora de casa. É dicir, que ao conxunto deportivista tocaralle viaxar ao Estadio Johan Cruyff para estes cuartos de final, xa que no anterior partido contra o Valencia foi local xogando en Riazor.
Ambos equipos víronse as caras en Liga o pasado 24 de novembro, no feudo azulgrana, nun partido no que a pesar de que as branquiazuis deron a cara en todo momento resolveuse con vitoria do incontestable líder da Primeira Iberdrola (6-1), que só cedeu 2 empates nas primeiras 18 xornadas do Campionato.
O conxunto herculino contará unha vez máis co apoio da Peña Deportivista Miau-Miau de Barcelona que sempre acompaña e apoia ao Dépor cando xoga en terras catalanas.
O resto de emparellamentos do sorteo quedou definido da seguinte maneira:
Athletic Club – CD Tacón
FC Barcelona – Dépor
Madrid CFF – Sevilla FC
Logroño – Betis
