O líder visita este sábado a cidade herculina para xogar un derbi galego contra o Dépor B. Os equipos de Treviño e Cabado, saltarán ao verde de Abegondo ás 15:45 para disputar un gran duelo entre o primeiro e o terceiro clasificado. Un duelo por todo o alto. O sábado tamén será o turno do Umia, que recibe ás 18:00 a un Oviedo Moderno que leva desde o 13 de octubre sen coñecer a derrota, precisamente foi contra o filial deportivista en Abegondo.
Derbi galego de altura
O Viajes Interrías quere seguir sendo o líder do Grupo I da Primeira División Nacional. Para iso, visita un dos campos máis complicados da categoría, Abegondo, do Dépor B. As de Kevin Cabado suman 32 puntos e sitúanse a 8 puntos do Interrías, líder da clasificación.
No duelo da primeira volta, as de Villalonga superaron ás herculinas pola mínima 2-1. Neste segundo duelo, volverá a destacar a igualdade entre os dous conxuntos: “Enfrontámonos ao terceiro clasificado, un equipo con moito talento e moita calidade. É un equipo parecido a nós que lle gusta o dominio do balón e levar o peso do partido”, falaba Luis Treviño da igualdade entre ambos conxuntos galegos.
Luis Treviño, adestrador do Viajes Interrías: “Enfrontámonos ao terceiro clasificado, un equipo con moito talento e moita calidade. É un equipo parecido a nós”.
“O equipo que cometa menos erros será o que leve os tres puntos. Creo que será un duelo moi igualado e un partido moi intenso que é fácil que nos deixemos puntos se non estamos ao 100%”, advertíu o adestrador galego durante a previa.
Luis Treviño, adestrador do Viajes Interrías: “O equipo que cometa menos erros será o que leve os tres puntos. Creo que será un duelo moi igualado e un partido moi intenso que é fácil que nos deixemos puntos se non estamos ao 100%”.
A incógnita para Treviño “será o estado do campo, porque imaxino que o campo estará bastante brando e encima parece que non vai parar de chover durante o sábado”. No lado positivo, as de Villalonga, recuperan a varias xogadoras respecto a a semana pasada e viaxan con plantel ao completo cara terras coruñesas.
O Umia quere frear ao Oviedo Moderno B
As de Ribadumia queren seguir coa boa dinámica de xogo e acompañala con bos resultados. O campo da Bouza será testigo ás 18:00 do duelo entre o Umia e o Oviedo Moderno B. As pupilas de Tino Buján ocupan a décima posición da táboa con 13 puntos e reciben ao conxunto oventense que ocupa a 5ª posición con 28 puntos.
Tino Buján, adestrador do Umia: “Afrontamos o partido con moita ilusión e con ganas de puntuar. despois do bo partido da semana pasada. Somos conscientes de que nos enfrontamos a un dos equipos máis sólidos da categoría”.
O filial ovetense leva 11 xornadas seguidas sen coñecer a derrota. Desde o 13 de octubre, cando caeu por 2-0 ante o Dépor B en Abegondo. Deste xeito, o Umia terá un difícil escollo o sábado no seu feudo. De sacar un resultado positivo, será unha gran chea de moral para as de Buján.
Tino Buján, adestrador do Umia: “Para ser un equipo B ten moitas xogadoras novas pero con moita calidade. As nosas opcións pasan con non cometer erros en campo propio e ser capaces de atacar os espazos ás costas da súa liña defensiva. Afrontamos o partido sabendo que temos moitas opcións de de facerlle dano no noso campo”.
