O vindeiro sábado ás 18.00 xogan tres dos equipos galegos que conforman o Grupo I da 1ª Nacional. En Abegondo, o filial deportivista recibe ao Sárdoma no duelo galego do sábado. Dous equipos na zona alta e que apostan por un xogo combinativo e vistoso. A mesma hora, o Umia xoga na súa casa ante o Oceja, rival directo pola salvación. Nun encontro con máis de tres puntos en xogo.
O Dépor B, invictas na casa ata o momento
O conxunto dirixido por Kevin Cabado conta todos os seus partidos en Abegondo por vitorias. As coruñesas, un dos equipos máis fortes da categoría, terán enfronte ao Sárdoma, que visita a cidade herculina con moitas ganas de sacar un resultado positivo.
“Enfrontámonos a un dos máis grandes da Liga, no seu campo. Elas gañaron todos os seus partidos que xogaron en Abegondo encaixando só 2 goles. Imos con moita ilusión por ser as primeiras en sacar os tres puntos alí”, falaba Víctor González durante a previa do partido, no que destacaba a fortaleza do filial deportivista.
Víctor González, adestrador do Sárdoma: “Sabemos que vai a ser moi difícil pero temos moito que gañar e pouco que perder e creo que a presión será para elas que estarán obrigadas a sacar un bo resultado na súa casa”.
Final tolo na primeira volta
22 de setembro, era o segundo partido da tempada e Sárdoma e Dépor B víanse as caras no Campo Federativo de Coia. O Sárdoma dominou o encontro e plantouse no minuto 85 con 2-0 no marcador. O filial herculino con un alarde de valentía, logrou meter tres goles en cinco minutos e deixou ás locais de baleiro no seu propio feudo.
A pesar da derrota, Víctor quere que as súas xogadoras vaian a Abegondo coa mentalidade desde primeiros 85 minutos para poñer en apuros ás pupilas de Cabado.
Víctor González, adestrador do Sárdoma: A pesar da derrota, na ida fixemos un gran partido e tivémolo controlado ata o minuto 85. Imos a Coruña con esa mentalidade e con boas sensacións. Unha vitoria supoñería unha inxección de moral. Ademais, agora vénnos un tramo esixente de partidos e sacar algo positivo de Abegondo sería unha gran noticia.
Sara Álvarez chega a tempo tras xogar coa Selección sub-17
A xogadora do Deportivo ABANCA B estivo concentrada estes días coa Selección Española sub-17 para un partido amigable ante Alemania en Salou (Tarragona) hoxe xoves 16 de xaneiro. A futbolista branquiazul saltou ao terreo de xogo no minuto 70 con 1-1 no marcador, nun partido que se decidiu na recta final a favor das españolas (3-1), con ‘ hat- trick’ de Giovana Queiroz.
Sara Álvarez chegará a tempo para poñerse ás órdenes de Kevin Cabado e xogar o sábado 18 de xaneiro en Abegondo ante o Sárdoma CF.
Seguir coas boas sensacións do finde pasado
O Umia quere continuar coa boa dinámica que levou as de Tino Buján acadar un gran empate na casa do Sárdoma a xornada pasada. O vindeiro sábado, as galegas terán un enfrontamento directo pola salvación. Máis que tres puntos no Municipal da Bouza no que unha vitoria das galegas suporía superar en puntos ás cántabras e, se acompañanan os resultados, saír das zonas de descenso.
Tino Buján, adestrador do Umia: “Afrontamos o partido con moita ilusión. É certo que é un partido moi importante para nós porque é unha oportunidade moi boa para saír do descenso”.
Tino Buján, adestrador do Umia: “Vimos con moita moral despois do noso empate contra o Sárdoma da semana pasada. Confiamos plenamente en nós e sobre todo na nosa casa”.
As galegas afrontan o partido coas baixas de Cristina Santoro e Rebecca sumada á lesión de longa duración de Laura Gómez.
