O Dépor B non foi quen de acadar a terceira vitoria consecutiva en Liga. O filial deportivista volta de Santander coa sensación de perder dous puntos no canto de gañar un. As de Kevin Cabado, con este empate sen goles no Carlos Alonso “Santillana”, suman 32 puntos nas 16 xornadas de este Grupo I da Primeira División Nacional.
O conxunto cántabro recibía ao Dépor B despois de perder ante o Umia por 3-0 na xornada anterior e con moitas dúbidas. Ante un rival moi necesitado de puntos, e nos postos que dan acceso ao descenso de categoría, as galegas non foron capaces de impoñer a súa superioridade. As branquiazuis dominaron ao seu rival de principio a fin pero non puideron traducir en goles a súa superioridade.
As galegas levaron o peso do partido durante case todo o encontro, pero un Oceja moi ben replegado e organizado deixaba poucos espazos para que as herculinas puidesen materializar as ocasións. Precisamente, as branquiazuis botaron en falta o acerto de cara a gol que tanto tiveron na xordana pasada fronte ao Sárdoma.
Tras este empate, as coruñesas reciben a o líder da categoría na vindeira xornada, no que poderemos ver un gran partido entre o filial deportivista e o Viajes Interrías en Abegondo.
Deportivo ABANCA B: Jessica, Sara Álvarez, Nuria, Sofía, Navia, Lara, Antía, Alba Suárez, Patri Díaz, Aroa y Patri López. Tamén xogaron: Carlota, Lucía, María Calvo y Ainhoa.
