O Estadio Municipal de Riazor na Coruña acollerá un partido histórico, será o primeiro encontro oficial que o RC Deportivo ABANCA disputará nese campo. Anos atrás, o Karbo xa gozara do doce sabor que deixa no padal xogar diante do público coruñés no coliseo herculino. Agora, é tempo dunha nova xeración de xogadoras branquiazuis que citan á afección nun recinto con máis aforo ca Cidade Deportiva de Abegondo coa esperanza de que amose unha boa entrada. Os billetes, solidarios, xa están á venda. E ABANCA regalará un número limitado bufandas para a ocasión, reservadas para as persoas máis rápidas en chegar á cita co Dépor.
O vindeiro martes 11 de febreiro ás 20:00 horas vaise celebrar o partido de oitavos de final de Copa da Raíña que enfrontará ao RC Deportivo ABANCA e a o Valencia CF no Estadio ABANCA-RIAZOR. Os/as socios/as deportivistas terán acceso libre ao recinto e as persoas que o desexen poderán mercar a súa entrada para ver ao Dépor.
Están habilitadas como puntos de venda, de luns a sábado, nas DéporTiendas de ABANCA-RIAZOR e Marineda City (de 10:00 a 20:30 no Estadio e até as 22:00 no Centro Comercial, según informa o club herculino). Tamén poden adquirirse entradas para este partido do Dépor ABANCA na Oficina de Atención ao Deportivista (Estadio ABANCA-RIAZOR, avenida da Habana s/n), aberta de luns a venres de 10:00 a 13:30 e de 16:30 a 19:00 horas.
Entrada libre para abonados/as do Dépor pero non se ubicarán na súa bancada
É importante matizar que, aínda que as persoas abonadas do Dépor entrarán de balde a este encontro da Copa da Raíña o club non as ubicará na súa bancada habitual nos partidos de LaLiga. Vanse habilitarán, inicialmente, só as bancadas inferiores da instalación.
Deste xeito, os/as seareiras que desexen acudir ao partido do Dépor, poderán acceder a Riazor polas puertas de acceso: 22 e 23 -Pavillón-; 14 e 18 -Preferencia-; 2 e 29 -Tribuna-; 6, 9 e 11 -Marathón-.
Pola súa banda, os afeccionados/as que non sexan abonados/as do Dépor deberán pagar dous euros pola súa entrada, cantidade que se doará, integramente, á Cocina Económica da Coruña.
ABANCA regala bufandas para animar ‘As Nosas’ deportivistas
As futbolistas do Dépor Teresa Abelleira, Nuria Rábano e Miriam Ríos protagonizan unha campaña na que ABANCA, patrocinador do equipo feminino do RC Deportivo, anuncia que regalará bufandas ás 5.000 primeiras persoas que acudan a Riazor para presenciar este partido de oitavos de final da Copa da Raíña que xogan o martes 11 en Riazor as deportivistas contra o Valencia.
Nun Estadio de Riazor baleiro, as futbolistas rememoran os logros xa acadados polo Dépor ABANCA nestes últimos anos de andaina e falan da consecución dun novo reto, un novo soño: xogar en Riazor.
Miriam: “Hai catro anos que apostamos por medrar nun proxecto que estaba a piques de nacer. Desde entón, temos acadado soños. Xa somos profesionais. Xa somos futbolistas de Primeira División”
A capitá, Miriam Ríos explica mentres camiña cara ao verde de Riazor: “Hai catro anos que apostamos por medrar nun proxecto que estaba a piques de nacer. Desde entón, temos acadado soños. Xa somos profesionais. Xa somos futbolistas de Primeira División”.
Desde a bancada branquiazul de Riazor, Nuria conta: “Temos protagonizado momentos irrepetibles. Temos enganchado a unha cidade co seu equipo. Pero aínda nos quedan soños por cumplir. O próximo, debutar en partido oficial en Riazor. O martes 11 ás oito, faremos de novo historia e querémola facer contigo”.
Nuria: “Temos protagonizado momentos irrepetibles. Pero aínda nos quedan soños por cumplir. O martes 11 ás oito, faremos de novo historia e querémola facer contigo”
Tere Abelleira completa o discurso das futbolistas do Dépor explicando tamén desde un Riazor que agarda ao seu público: “O deportivismo, ABANCA e A Nosa Forza, comparten con nós ‘Un Único Latido’ e agora tamén bufanda. Por que grazas a vós, seguimos a cumplir soños”.
Tere: “O deportivismo, ABANCA e A Nosa Forza, comparten con nós ‘Un Único Latido’ e agora tamén bufanda. Por que grazas a vós, seguimos a cumplir soños”
“Deportivistas, vémonos en ABANCA – RIAZOR”, remata dicindo Ríos. As tres deportivistas, sorrintes e suxeitando unha bufanda co lema “DÉPOR ABANCA” despiden o vídeo.
Ven a apoyar a #asnosas en los octavos de final de la #CopadelaReina 🏆, el martes que viene a las 20 h. en #ABANCARiazor. ¡Regalamos 5.000 bufandas del #DéporABANCA 🧣! #UnÚnicoLatido 💙 ¡Vaaaamos! pic.twitter.com/z851Xvqs0r
— ABANCA (@SomosABANCA) February 4, 2020
