As branquiazuis terán este sábado ás 16:00 horas unha nova oportunidade para rematar coa seca de puntuación. En seis xornadas, as xogadoras do Dépor ABANCA aínda non acadaron ningunha vitoria ou empate, e as derrotas comezan a pasar factura. Do encontro contra o Sevilla FC, perdido no último minuto, só queda aprender dos erros. E a iso adican esta semana as xogadoras de Manu Sánchez os adestramentos.
O técnico citou as súas xogadoras en Abegondo a un primeiro adestramento o luns pola tarde, e o martes comezou a preparar xa o encontro deste sábado contra o Levante UD.
O aprazamento da cita co Rayo Vallecano, por un positivo entre as madrileñas, dálle ás futbolistas herculinas máis tempo para practicar e preparar o partido. Os adestramentos ampliaranse ata o venres, cando as branquiazuis xa estean en terras de Valencia.
Enfronte, estará un rival que ocupa a undécima posición da táboa tras unha vitoria contra na súa visita ao Athletic Club. O Levante conta ademais entre as súas filas coa cuarta máxima goleadora da Liga Iberdrola, a dianteira Esther.
Cris volve á convocatoria do Dépor ABANCA
Manu Sánchez levouse a Valencia a 18 das súas xogadoras, entre as que destaca a recuperación de Cris Martínez da súa lesión e a inclusión da canterana Eva Dios. Por outra banda, o técnico non poderá contar con Peke, aínda que a primeira está volvendo pouco a pouco aos adestramentos. Tamén seguen de baixa Kenni e Lady Andrade, que sufre unhas molestias no xeonllo.
No outro lado do campo estará unha exdeportivista. Trátase de María Méndez, da que adestrador branquiazul só ten boas palabras. “Pasou con nós soamente un ano, pero xa a coñeciamos desde hai varios anos que xa a seguiamos. O ano pasado foi moi bonito para todos nós e ela formou parte importante como as 23 que estabamos”.
Manu Sánchez sobre a ex deportivista María Méndez: “Ten todas as condicións para ser unha central de altísimo nivel. É moi disciplinada tanto traballando como no adestramento invisible”
Sánchez alabou tamén o seu xogo e asegurou que a zagueira máis pronto que tarde Méndez formará parte da Selección Nacional. “Ten todas as condicións para ser unha central de altísimo nivel. É moi disciplinada tanto traballando como no adestramento invisible” declarou o técnico de As Nosas.
O adestrador tamén asegurou que desde o clube están moi contentos por ela, e que agardan que lle vaia ben aínda que “imos desexarlle que o sábado palme, evidentemente”.
#ASNOSAS convocadas para unha nova xornada de #PrimeraIberdrola. O sábado ás 16:00 h. (📺 @Gol) na Cidade Deportiva de Buñol: #LevanteUDDéporABANCA pic.twitter.com/kf6amm2co8
— RC Deportivo (@RCDeportivo) November 12, 2020
A unión no vestiario do Dépor ABANCA é total
Os malos tempos non acaban coa ilusión das xogadoras do Dépor ABANCA. O vestiario está moi unido e comprometido con sacar os resultados adiante e teñen claro que seguirán pelexando polas cores. Ante a mala racha de seis xornadas sen puntuar, as redes sociais enchéronse de mensaxes de ánimo entre as deporitvistas como os chíos en Twitter de Iris Aranaiz, Stephannie Blanco, Peke, Noe Bermúdez e Carolina Arbeláez. Tamén o técnico publicou unha mensaxe na que apelaba á unidade nos malos momentos. Para Sánchez, a saída desta mala racha pasa polo compromiso e traballo das súas futbolistas.
Unha unión que traspasou as fronteiras do propio equipo e do campo, facendo que ex xogadoras do clube branquiazul como Miriam Ríos, Tere Abelleira e Nuria Rábano sumáranse ao grito de Un único latido, compartindo o seu apoio neste duro momento ás xogadoras herculinas.
O adestrador, Manu Sánchez, mostrouse tamén nas redes e en rolda de prensa orgulloso de As Nosas e está convencido de que co traballo os resultados acabarán chegando. Isto haberá que velo o sábado no Antonio Puchades, nun duelo da octava xornada de Liga Iberdrola que poderá seguirse en directo a través de Gol Televisión.
Así ve María Méndez ao RC Deportivo ABANCA
María Méndez (@maria_mf4) analiza la importancia del último triunfo 👏🏼 y habla del @RCDeportivo, al que conoce bien
👍🏼 “Fue una victoria super importante, salimos de Lezama más equipo”
🔙 “Para mí es un rival muy especial, me dio la oportunidad de debutar”#PrimeraIberdrola pic.twitter.com/VN8SpmyleT
— Levante UD Femenino (@LUDfemenino) November 13, 2020