- O Dépor ABANCA medirase á Real Sociedad nos oitavos de final da Copa da Raíña.
A eliminatoria, a partido único, celebrarase no Estadio ABANCA-RIAZOR (aínda que este extremo está pendente de confirmación). O cruce será un destes tres días: venres 19, sábado 20 ou domingo 21 de decembro.
Curiosamente, ambos os equipos víronse as caras nesta eliminatoria da pasada edición da Copa o pasado 22 de decembro de 2024 no campo Arsenio Iglesias de Abegondo. Naquela ocasión venceron as vascas por 0-1 nun bo partido de As Nosas deportivistas.
Esta temporada, a Real Sociedad, que ante o Dépor ABANCA vaise estrear na Copa da Raíña, marcha na na terceira praza de Liga F con 23 puntos, os mesmos que o Real Madrid CF.
O Dépor ABANCA eliminou ao Guiniguada
Pola súa banda, o equipo do Dépor ABANCA que prepara Fran Alonso eliminou (1-3) na segunda eliminatoria ao Guiniguada Apolinario CD de Las Palmas de Gran Canaria. Non tivo a mesma sorte no seu último partido na Liga F onde saíu goleado da cancha do FC Barcelona por 8-0.
