- Non hai mellor revulsivo ante unha derrota que volver gañar. O Dépor ABANCA aplicouse o conto e venceu en Abegondo ao CDF Osasuna por un claro 3-0.
O rival non éra dos máis asequibles, o equipo viña de colleitar a súa primeira derrota e con goleada, pero As Nosas deportivistas estaban decididas a reconducir o rumbo do equipo de novo ao camiño das vitorias. E así foi. O CDF Osasuna que prepara Kakun Mainz, non puido co Dépor ABANCA, que adestra Irene Ferreras.
Atrás queda o tropezo contra o Cacereño. Irene Ferreras mantivo a confianza no bloque habitual. Con respecto ao último partido so mudou á galega Eva Dios por Charle que ademais marcaba un dos goles do partido.
O partido comezou tremendamente igualado, con algo máis de posesión para o Dépor ABANCA, pero sen fluidez por ningún dos bandos na zona de perigo. Como se as precaucións fosen tan altas por ambas as dúas escuadras que ningún dos dous equipos quixese arriscar demasiado.
A primeira chegada foi deportivista. Transcurriran xa 30 minutos de xogo cando Ainhoa Marín, en xogada persoal, conducía o esférico até a frontal para levantar a cabeza e tratar de bater con calidade a Maitane. O seu disparo marchouse fóra, preto do recanto da portería osasunista.
Apenas cinco minutos despois mandoulle o balón a Samara que, no cara a cara ante Maitane optou por unha vaselina que acabou pendurada na rede da portaría visitante.
Foi Millene quen, finalmente, deulle traballo a Maitane. A deportivista mandou un disparo raso que atallou sen atrancos a porteira do CDF Osasuna.
Cociñábase o gol que chegou, ao cabo, nas botas de Marta Charle que mandou un tiro axustadiño ao pau para bater, esta vez si, a Maitane. Era o minuto 45, así que o primeiro período non deu para máis. Co 1-0 foise camiño dos vestiarios.
Arrincou con forza o segundo acto o bloque deportivista. Nun par de minutos chegaba o 2-0. Foi un pase entre liñas de Millene cara a Laura Fernández que superou na saída a Maitane. A propia Millene estivo a piques de anotar o terceiro pero o seu pepinazo bateu entre o traveseiro logo de tocar coa man a cancerbeira visitante.
Ambiciosas, As Nosas deportivistas seguiron a loitar polo terceiro tanto e sentenciar o partido. O premio non chegaría ata o tempo engadido. Unha ocasión de Eva Dios deu como resultado un rexeite que foi dar aos pés de Sara Navarro que non desboutou a ocasión para anotar o definitivo 3-0.FICHA TÉCNICA
3) DÉPOR ABANCA: Lucía, Cris Martínez (Patri López, min. 86), Inés Altamira, Raquel García, Samara, Paula Gutiérrez, Henar, Ainhoa Marín, Laura Fernández (Eva Dios, min. 68), Charle (Carlota Suárez, min. 78) e Millene (Sara Navarro, min. 78).
0) CDF OSASUNA: Maitane, Saioa (Miriam Rivas, min. 80), Vera (Merche Izal, min. 63), Josune, Celia, María González (Patricia Zugasti, min. 46), Aitana, Iara (Alexia Jr., min. 63), Leyre (Valero, min. 63), Carmen e Maitane Vilariño.
GOLES: 1-0 Marta Charle (min. 45); 2-0 Laura Fernández (min. 48); 3-0 Sara Navarro (min. 90+3).
EQUIPO ARBITRAL: Couso Cuadrado (c. Catalán). Amoestou a Leyre (min. 6), Raquel García (min. 11), Josune (min. 85) e Henar (min. 90).
INCIDENCIAS: partido da 5ª xornada de Primeira Federación FutFem disputado na Cidade Deportiva de Abegondo ante uns 400 espectadores.
👥 #AsNosas
🆚 #DéporABANCAOsasuna
🏆 #PrimeraFederaciónFutFem
🗓️ 5ª xornada
🕘 12:00 h.
🏟 Cidade Deportiva de Abegondo
🎟 https://t.co/xTE3C6Exmt pic.twitter.com/bibBS1Uvu4— RC Deportivo (@RCDeportivo) October 16, 2022
O Dépor ABANCA xoga Copa da Raíña en Tenerife o mércores
As deportivistas pensan xa no seu partido do mércores diante do o Fundación Canaria CD Tenerife ao que se enfrontarán na Copa da Raíña en terras canarias. O partido copeiro do Dépor ABANCA vai ser retransmitido en directo pola canle de Youtube do CD Tenerife.
