O Dépor ABANCA comeza a remontar na Primeira Iberdrola, pero as boas sensacións acadadas tras tres partidos sen perder vense ameazadas polo seguinte rival: o invicto FC Barcelona. Galegas e catalás enfrontaranse en Abegondo este martes, 22 de decembro, ás 14:00 horas.
Tras once partidos xogados e só con dúas vitorias e un empate no seu haber, o Dépor ABANCA chega nunha posición moi complicada a este partido, pero no seu mellor momento da tempada.
Despois dun inicio do curso 2020/2021 nefasto e sendo colista durante moitas xornadas, as de Manu Sánchez lograron sumar 7 dos últimos nove puntos posibles.
Nunha situación moi diferente chegan as súas rivais. O FC Barcelona ven de lograr a súa novena vitoria, desta vez cunha goleada 6-0 ao Sevilla, colocándose como líder malia ter tres partidos menos disputados que o segundo, o Granadilla Tenerife.
As catalás serán un óso moi duro de roer para as coruñesas. No que vai de tempada, as visitantes soamente encaixaron un gol, polos 51 que levan marcados ao seu favor.
Na convocatoria non hai sorpresas, seguen lesionadas Sullastres e Kenni, e volve Alba Merino tras cumplir un partido de sanción.
Ao rematar o encontro, as branquiazuis terán uns días de descanso e volverán ao traballo o mércores, 30 de decembro, cun adestramento ás 17:00 horas.
O partido celebrarase con público nas bancadas
O duelo que se disputará en Abegondo contará con siareiras nas bancadas, pero seguindo as indicacións sanitarias. Todas as persoas aboadas ao club herculino poideron optar a unha das cen invitacións dispoñibles, solicitándoo a través da web de reservas ata o luns ás 18:00 horas.
Seguindo o protocolo COVID, cada asistente pasará un control de temperatura e levara levar máscara e hixienizar as mans antes de entrar. Unha vez na bancada, deberá ocupar o asento asignado.
