Cando perdes 3-1 a derrota adoita a estar xustificada. Non foi así no cruce entre o Sevilla FC e o Dépor ABANCA. As galegas volveron colleitar un resultado adverso nun partido no que fixeron moito máis do que reflicte o 3-1 final do marcador en terras andaluzas.
Ao final dos primeirso 45 minutos a branquiazuis xa perdía 3-0, un tanteo que se fixo demasiado costa arriba para darlle a volta ao partido na segunda metade. Aínda que as galegas o intentaron, so conseguiron anotar un gol que tampouco maquillou o resultado.
Aos tres minutos de partido a colexiada non asubiou unha pena máxima cometida por Maite sobre Athenea. Unha circunstancia que supuxo un golpe de inicio para as galegas. Outro cantar sería acontecido na Ciudad Deportiva José Ramón Cisneros, se as galegas fosen por diante desde ao arranque do choque. Pero no pasou.
Outro condicionante externo que axudou ás futbolistas do Sevilla FC foi o vento a favor durante toda a primeira metade.
Tamén tería sido outro cantar se Peke (que xa centenaria coa camisola do Dépor ABANCA) tivera sido quen de aproveitar un disparo a porta baleira que se lle foi. Unha xornada máis Alba Merino levou perigo á portaría contraria. Un dos seus centros peiteouno Gaby para Peke que loitiu polo esférico entre as centrais e novamente non tivo éxito ante a meta rival.
Máis tarde sería Peke a que serviría un centro – chut raso para Athenea del Castillo pero a cancerbeira local, Noelia Ramos, conxurou o perigo da súa porta.
Se o perigo corría a cargo das deportivistas, a efectividade foi por conta das locais que case na súa primeira chegada á meta de Sullastres bateron á cancerbeira do equipo galego.
Non baixaron os brazos nas filas do Dépor ABANCA e seguiron a contar con ocasións, de feito Ainoa case empata o partido. Pero o que finalmente chegou foi o segundo tanto do Sevilla FC.
Chegou o terceiro para o Sevilla FC antes do descanso
A cinco minutos do final do primeiro período, outra vez un penalti non asubiado. Neste caso, tratouse dunha man dentro da área da futbolista local Isa Echeverri, que non viu a colexiada Cebollada López.
Deste xeito, o partido pasou estar moi preto de se poñer 2-1 a que o que finalmente acontecese foseo que chegou o terceiro tanto das deportistaqs locais. Así, dominando, pero sen o premio do gol, o Dépor ABANCA collía o camiño dos vestiarios cun 3-0 que foi un lastre no segundo período por moito que as galegas seguiron a ter o dominio do xogo e o control do balón.
Aos cinco minutos de comezar o segundo tempo, anotaba Ainoa dando azos ás coruñesas (3-1) que esta vez tiñan o vento a favor.
Chegaron diferentes ocasións nos pés de Athenea, Helena Torres, Peke, Alba Merino e Blanco, pero nada parecía ser abondo para perforar a meta de Noelia Ramos. Nin os remates de cabeza, nin o balón parado, nin os lanzamentos lonxanos, nada. O Dépor ABANCA volveu de baleiro de Sevilla.
FICHA TÉCNICA
3) SEVILLA FC: Noelia Ramos, Toro, Isa Echeverri (Teresa, min. 71), Nagore, Almudena, Virgy (Lucía, min. 60), Maite, Payne, Claudia Pina (Coleman, min. 85), Ana Franco (Inma, min. 60) y Raquel Pinel (Karlernäs, min. 71).
1) RC DEPORTIVO ABANCA: Sullastres, Cris (Michelle Romero, min. 81), Blanco, Iris, Villegas, Eva Dios (Helena Torres, min. 68), Alba Merino, Ainoa, Gaby, Peke y Athenea.
GOLES: 1-0 Claudia Pina (min. 16); 2-0 Raquel Pinel (min. 20); 3-0 Payne (min. 41); 3-1 Ainoa (min. 50).
ÁRBITRA: Cebollada López (colexio aragonés). Amosou cartón amarelo ás xogadoras Virgy (min. 23), Ana Franco (min. 36), Blanco (min. 56) e Lucía (min. 68).
Incidencias: Partido correspondente á 29ª xornada da competición de liga Primera Iberdrola de fútbol feminino disputado en la Ciudad Deportiva José Ramón Cisneros, en Sevilla.
