Nova xornada e nova oportunidade para o Dépor ABANCA de avanzar cara a permanencia. Esta fin de semana, as deportivistas reciben en Abegondo ao Madrid CFF, ao que intentarán dobregar para sumar tres puntos vitais para seguir vivas na loita da zona baixa. A cita será o domingo, 2 de maio, ás 11:30 horas.
A liña de salvación está a cinco puntos das herculinas, polo que o plantel de Manu Sánchez terá que dalo todo en casa para afianzar os puntos da vitoria. Actualmente, o Dépor ABANCA suma só 18 puntos e é o farolillo vermello da clasificación de Primera Iberdrola.
As sensacións non refrexan a clasificación. No último partido disputado, ante o Valencia CF, as coruñesas dominaron ao longo do partido pero non foron quen de aferrar a vitoria, polo que sufriron un empate 1-1 xa no tramo final do encontro.
Pola súa banda, o Madrid CFF chega de perder esta semana ante o FC Barcelona por un axustado 0-2, e na última xornada anterior o derbi ante o Real Madrid de Teresa Abelleira, cun 0-2. En total, as que serán rivais do Dépor ABANCAacumulan 48 puntos, con 15 vitorias e tres empates, e ocupan a sexta posición.
Porén, as madrileñas veñen de facer historia un par de días antes, ao lograr o pase ás semifinais da Copa da Raíña por primeira vez. Un obxectivo conseguido precisamente derrotando ao Real Madrid en cuartos, cun 2-1.
O partido xogarase desde a defensa
Ningún dos dous equipos que se enfrontan este domingo destaca por goleador. As coruñesas levan só 23 tantos a favor, mentres que as madrileñas suman sete máis.
Desta forma, a defensa será parte esencial do duelo. O Dépor ABANCA terá que esmerarse neste aspecto, xa que no apartado dos goles en contra, as galegas encaixan tres veces máis que as súas competidoras (54 goles fronte a 18).
A igualdade será máxima entre dous clubs que xa empataron no partido de ida, cun 1-1 en terras madrileñas.
