O sorteo da Copa da Raíña asignou rivais aos dous equipos galegos que estarán na primeira eliminatoria do torneo do KO. O Dépor ABANCA enfrontarase ao CD Parquesol valisoletano mentres que o Peluquería Mixta Friol terá como rival ao CD Pozoalbense Femenino.
O sorteo puidose seguir en streaming a través das canles da RFEF:
A ex deportivista, e agora internacional madridista, Athenea del Castillo, foi que sacou as bolas dos rivais de Dépor ABANCA e PM Friol.
A sede da Federación na Ciudad del Fútbol de Las Rozas (Madrid) acolleu o sorteo dunha competición que se xoga en eliminatorias a partido único. A Copa da Raíña disputarase o martes 13, mércores 14 ou xoves 15 de setembro. Ao ser equipos da mesma división, o choque será na Cidade Deportiva branquiazul posto que a bóla do Dépor ABANCA saíu en primeiro lugar no sorteo. Tamén actuarán como locais as lucenses do PM Friol.
Deportivo ABANCA e CD Parquesol enfrontáronse en tres ocasiones. A primeira foi un amigable de pretemporada, o 12 de setembro de 2020 en Bembibre (León), no que se impuxeron as coruñesas por 3-0. O pasado curso coincidiron por primeira vez oficialmente, no grupo Norte de Reto Iberdrola. Na 15ª xornada, o 22 de xaneiro de 2022 en Abegondo repetiuse o resultado de Bembibre. Na visita a Valladolid, o 23 de abril de 2022 con motivo da 25ª xornada, as valisoletanas venceron pola mínima grazas a un tanto de Marta Charle, agora futbolista do Dépor ABANCA.
Na pasada edición de Copa da Raíña, o Dépor ABANCA superou na primeira eliminatoria ao CF Pozuelo (1-9) e caeu en Abegondo ante o Granada CF (0-1) en segunda rolda.
Este é o resultado completo do sorteo da primeira eliminatoria da Copa da Raíña:
- Málaga CF – Granada CF
- Peluquería Mixta Friol – CD Pozoalbense Femenino
- CE Europa – Zaragoza CF Femenino
- Fundación Canaria CD Tenerife – CD Castellón
- Club Bizkerre A – Alhama CF
- CD Unión Viera – DUX Logroño
- Real Sporting de Gijón – Córdoba CF
- Real Unión de Tenerife Santa Cruz – Levante Las Planas FC
- FF La Solana Quesos La Casota – Oviedo Moderno CF
- Elche CF – CD Santa Teresa
- CDF Osasuna Femenino – SE AEM
- CD Pradejón – RCD Espanyol de Barcelona
- CDE Racing Féminas – Cacereño Femenino
- Deportivo ABANCA – CD Parquesol
- CD Alba Fundación Femenino – CE Seagull
- CD Femarguín – CD Juan Grande Ginelux
