Unha xornada máis, o Dépor ABANCA segue sen sumar. Desta vez, a derrota foi ante un Levante UD claramente superior na táboa e no campo, que dominou a primeira parte para acabar facendo imposible a vitoria ou empate branquiazul (1-3).
O intentaron as deportivistas, que nos minutos finais marcaron o seu primeiro gol, entreabrendo a posibilidade dunha remontada que nunca chegou.
O bloque defensivo do Dépor ABANCA durou trinta minutos
O plan A das galegas pasaba por controlar a banda esquerda, confiando en Athenea e cunha defensa dura e seria. En ataque, a intención era aproveitar as perdas de balón contrarias e xerar situacións de roubo favorables.
Media hora aguantou o conxunto dirixido por Manu Sánchez coa porteria a cero. O ataque local non destacou na primeira parte, na que a defensa coruñesa salvaba por momentos o partido xunto aos destellos de peligro nos contragolpes.
Nestes primeiros trinta minutos, o Levante só tivo dúas ocasións claras. Unha delas cun chut de Alba Redondo, que non foi entre os tres paus. A segunda, seis minutos despois, foi nunha falta ao borde da área tras un contragolpe que seguía un saque de esquina a favor das deportivistas.
O disparo de Zorzona foi detido sen problemas pola gardameta do Dépor ABANCA. Mentres, as ocasións para as locais xurdían dos córners rematados por Blanco, pero sen éxito para marcar.
Entón, cunha acción de Lucía Gómez para o bando rival, o Levante estreou o electrónico. A futbolista centrou desde o extremo dereito, pero a branquiazul Blanco despexou cara a portería local. O balón rebotou no travesaño e golpeou en Esther, que anotou en propia porta intentando rematar o centro da súa compañeira.
O segundo tanto visitante non foi cuestión de sorte. Alba Redondo remataba sen complicacións un centro de Lucía Gómez, en fóra de xogo segundo as herculinas. Así, cinco minutos bastaron para botar por terra os esforzos branquiazuis.
O Plan B do partido
Con 0-2 en contra, o conxunto herculino perdeu a concentración e a confianza en si mesmo. O final da primeira parte deixou ver a un equipo que non baixaba os brazos, pero que non atopaba a forma de recuperarse.
Tras o paso por vestiarios, Manu Sánchez logrou reconectar ás súas xogadoras e confiou nun cambio de sistema para loitar polo partido. Entraba en acción o plan B.
Saíu do campo María Figueroa, canteirana e debutante co primeiro equipo, para dar entrada a Michelle. Desta forma, o debuxo herculino quedaba con Gaby e Alba Merino como mediocentros, Lady Andrade por diante, Michelle e Athenea nas bandas e Peke na punta.
Esta aposta pareceu funcionar. O segundo clasificado da Liga Iberdrola viuse obrigado a xogar no seu campo, sen moitas opcións para aumentar a distancia no marcador, pero sen deixar que as locais puntuasen.
Tiveron a oportunidade de marcar Athenea del Castillo e Lady Andrade, pero as ocasións quedaban niso, amagos de gol. A falta dun cuarto de hora, o Levante recuperaba o dominio do duelo, achegándose perigosamente a Sullastres.
Tivo que chegar un saque de esquina para que o Dépor ABANCA transformase as melloras no xogo en gol. Gaby foi a autora dun gol tras a asistencia de Alba Merino. Quedaban sete minutos para o final e a posibilidade de empatar estaba aí. Porén, Esther encargouse de disispar as esperanzas branquiazuis.
A futbolista visitante rematou no primeiro pau unha falta lateral, facendo gala de por que é a pichichi da competición e sentenciando o partido. Unha nova derrota para un Dépor ABANCA que morreu sen matar.
Debut de María Figueroa
O Dépor ABANCA non conta con novos efectivos, pero saca proveito da canteira. María Figueroa, xogadora do equipo B puido desfrutar de minutos no campo neste partido da máxima categoría do fútbol español.
A súa estrea foi na posición de mediocentro, desplazando a Iris ao centro, e nunha posición habitual para Bedoya, unha das poucas centrais puras do conxunto coruñés.
Final do #DéporABANCALevanteUDFemenino en #Abegondo, 1-3#TocaVolverseMollar ⚽️ #UnÚnicoLatido 💙 #razónDÉcorazón pic.twitter.com/Qy74Vb50d6
— RC Deportivo (@RCDeportivo) January 31, 2021
FICHA TÉCNICA
1) DÉPOR ABANCA: Sullastres, Cristina Martínez, Stephanie Blanco (Lorena Bedoya, min. 68), Villegas, María Figueroa (Kika Moreno, min. 45), Gabriela García, Iris Arnaiz, Alba M., Lady Andrade (Eva Dios, min. 76), Ainize Barea e Athenea.
3) LEVANTE UDF: María López, Alharilla (Eva Navarro, min. 45), Cometti, María Méndez, Lucia (Jucinara, min. 66), Banini (Fiamma Iannuzzi, min. 81), Sandie Toletti, Rocío Gálvez, Zornoza (Andonova, min. 45), Esther e Alba Redondo.
GOLES: 1-0 Esther (min. 31); 0-2 Alba Redondo (min. 36); 1-2 Gabriela García (min. 83); 1-3 Esther (min. 87).
ÁRBITRA: Sara Fernández Ceferino. Amonestó a María Figueroa (min. 20), Alba M. (min. 34), Lady Andrade (min. 46), Gabriela García (min. 89) no Dépor ABANCA. No Levante UD foron amonestadas Cometti (min. 60) e Sandie Toletti (min. 95).
INCIDENCIAS: Partido da 18ª xornada de liga da Primera Iberdrola disputado na Cidade Deportiva de Abegondo.
