O Deportivo ABANCA xa apuntala a súa parcela ofensiva coa incoporación de Kenni Louise Tohmasia Thompson (Illas Bermudas, Reino Unido, 1 de decembro de 2000) que converteuse hoxe en nova xogadora deportivista para a próxima temporada, a quinta incorporación branquiazul para o próximo curso.
A dianteira, formada no Cornellá, Barça e Sant Gabriel, procede do RCD Espanyol de Barcelona, onde recalou após militar dúas temporadas no Chelsea. Co primeiro equipo perico debutou en Primeira Iberdrola en Abegondo no partido inaugural da Temporada 2019-2020.
A fichaxe de Kenni únese as de Stephannie Blanco, Noelia Bermúdez, Helena Torres e Ainoa Campo, ademais das renovacións de Sullastres, Peke, Athenea, Cris, Alba Merino, Noelia Villegas, Carlota Sánchez, Sara Álvarez e Patri López.