O Deportivo ABANCA está a gozar dun soño no torneo do K.O. Tras a festa do fútbol vivida o pasado 11 de febreiro en Riazor, as galegas queren dar a machada no feudo do FC Barcelona. Ao conxunto dirixido por Manu Sánchez tocoulle bailar coa rival máis díficil pero viaxarán a cidade condal con moita ilusión e ganas de facer saltar a sorpresa no Johan Cruyff.
O adestrador galego falou da visita que terán que facer ao FC Barcelona no torneo do K.O. tras a vitoria do pasado fin de semana en Abegondo. O técnico deportivista destacou a gran emoción que ten este formato copeiro e recordou con agarimo a festa do fútbol galego vivido en Riazor contra o Valencia en oitavos de final.
Manu Sánchez, adestrador do Dépor: “Gústame moi o formato desta Copa. Nós tivemos a festa do fútbol galego en Riazor e agora esperamos vivir outra festa do fútbol en Barcelona”.
Manu Sánchez tamén fixo referencia a que o partido do vindeiro mércores será especial e espera que non se repita o resultado acadado en Liga no Johan Cruyff, no que as galegas caeron por 6-1.
Manu Sánchez, adestrador do Dépor: “O partido de Copa contra o Barcelona será un partido diferente. Imos á casa do mellor equipo do categoría e intentaremos dar guerra”.
O técnico galego tamén quixo destacar a importante baixa da súa capitá Alba Merino. Unha ausencia que non só será importante de cara ao enfrontamento copeiro.
Manu Sánchez, adestrador do Dépor: “Alba é unha baixa importante para nós en xeral non só para o partido de Copa. É unha xogadora moi importante e aporta moito no campo, moito más do que é capaz de facer con balón”.
Facer algo grande na Copa da Raíña
Athenea del Castillo tamén falou sobre a gran cita que terá o conxunto herculino en Barcelona. A 9 destacou que as galegas irán á cidade condal con moitas ganas de facer algo grande no torneo do K.O.
Athenea, xogadora do Dépor: “Temos moitas ganas e ilusión de xogar. Son 90 minutos e pode pasar calquera cousa. Queremos facer algo grande na Copa da Raíña”.
A 9 é consciente da fortaleza do rival, líder en solitario da Liga Iberdrola e un dos equipos máis fortes do panorama actual. Ainda así, a cántabra confía na plantilla e no gran ano que están a facer.
Athenea, xogadora do Dépor: “Tocounos co rival máis forte pero nós imos a Barcelona a pola vitoria, sen complexos. Temos unha ampla pantilla e o adestrador pode rotar e non se vai a notar sobre o verde”.
O Dépor viaxa o martes a Barcelona
De cara ao duelo copeiro, o Deportivo ABANCA desprázase cara a cidade condal mañá martes 25 de febreiro para visitar ao Barça en cuartos de final da Copa da Raíña, eliminatoria a partido único. O encontro disputarase o mércores 26 de febreiro a partir das 19:00 horas no Estadi Johan Cruyff.
O regreso á Coruña do conxunto deportivista será o xoves 27 de febreiro, en voo directo ao Aeroporto da Coruña.
O plan de viaxe do Deportivo ABANCA comezou onte luns e adestrará hoxe antes de poñer rumbo a Barcelona:
Lunes 24 de febrero
17:00 Entrenamiento en Abegondo
Martes 25 de febreiro
10:30 Adestramento en Abegondo
18:10 Saída do voo do Aeroporto da Coruña con destino Barcelona
19:50 (horario aproximado): Chegada ao Aeroporto de Barcelona e aloxamento no Hotel NH Cornellá
Mércores 26 de febreiro
19:00 FC Barcelona – Deportivo ABANCA, no Estadi Johan Cruyff
Xoves 27 de febreiro
9:30 Saída do voo do Aeroporto de Barcelona con destino ao Aeroporto da Coruña
11:15 (horario aproximado): Chegada ao Aeroporto da Coruña
17:00 Adestramento en Abegondo
