O Dépor ABANCA e o PM Friol, atentos ao sorteo de Copa da Raíña desta semana

Antes de empezar de empezar o seu concurso na liga, os equipos galegos do   Dépor ABANCA e o Peluquería Mixta Friol estarán atentos á Copa da Raíña. Este mércores 31 de agosto ás 12:30 realizarase o sorteo da primeira eliminatoria da Copa da Raíña na que xa entrará o conxunto coruñés que adestra  Irene Ferreras e o lucense. Os partidos desta fase disputaranse os días 13, 14 e 15 de setembro.

O acto, que se poderá seguir vía streaming a través das canles oficiais da RFEF, realizarase na sede da Federación na Ciudad del Fútbol de Las Rozas (Madrid).

As eliminatorias da Copa da Raíña serán a partido único e, até onde sexa posible, enfrontaranse os clubs de inferior categoría cos de maior categoría. O partido terá lugar sempre no campo do equipo de menor categoría. En caso de ser os dous da mesma división, o choque será no terreo de xogo do equipo que saíse en primeiro lugar no sorteo.

Ademais do DéporABANCA e o PM Friol, participan nesta primeira eliminatoria da Copa da Raíña outros 30 conxuntos:

• 26 Equipos de Segunda División Feminina 2021-2022 (25):

1. 1. Levante Las Planas FC
   2. RCD Espanyol
   3. RC Deportivo ABANCA
   4. CDF Osasuna Femenino
   5. DUX Logroño
   6. SE AEM
   7. Real Oviedo
   8. Zaragoza CF Femenino
   9. CD Parquesol
   10. CDE Racing Féminas
   11. CD Pradejón
   12. Sporting de Gijón
   13. CE Seagull
   14. Alhama CF
   15. Cacereño Femenino
   16. Granada CF
   17. CD Juan Grande Ginelux
   18. CD Alba Fundación Femenino
   19. Córdoba CF
   20. CD Santa Teresa
   21. CD Femarguín
   22. Real Unión de Tenerife
   23. CD Pozoalbense Femenino
   24. FF La Solana Quesos La Casota
   25. Elche CF
   26. CD Castellón

• Seis equipos de Primeira Nacional Feminina 2021-2022

1. 1. Málaga CF
   2. CE Europa
   3. Club Bizkerre
   4. Peluquería Mixta Friol
   5. Fundación Canaria CD Tenerife
   6. CF Unión Viera

Na pasada edición de Copa, o Deportivo ABANCA eliminou na primeira eliminatoria ao CF Pozuelo (1-9) e caeu en Abegondo ante o Granada CF (0-1) en segunda rolda.

#ASNOSAS | O #DéporABANCA coñecerá este mércores ao seu rival na primeira eliminatoria da #CopaDeLaReina https://t.co/JuHfGEpVjE pic.twitter.com/Zqr83Yizwk

— RC Deportivo (@RCDeportivo) August 29, 2022