As xogadoras do Dépor Abanca non entrarán de cheo no descanso da Primera Iberdrola. A Liga detense esta semana polos compromisos da selección española de fútbol feminino, pero as coruñesas terán cita no campo o sábado. As branquiazuis buscan mellorar o seu xogo e poder ofrecer goles e puntos á súa afección.
O seu entrenador, Manu Sánchez, levaraas ao campo para un amistoso contra o conxunto galego do Viajes InterRías FF, que está á cabeza do grupo 1º de Primeira Nacional, subgrupo A.
Logo dunha tempada compricada, o conxunto branquiazul encarará unha xornada libre da presión dos resultados, que non rematan de despegar para o grupo.
O escenario de xogo co Viajes InterRías FF será a Cidade Deportiva de Abegondo. O partido terá lugar a mediodía, pero o horario definitivo está aínda pendente de confirmación.
Ao seu remate, as xogadoras disporán de tempo para entrenar e perfilar a súa estratexia sobre a herba. Non a volverán competir ata o 6 de decembro, cando está previso que se enfronten ao Éibar.
O equipo, sen Athenea del Castillo que estará coa Roja Sub20
O partido do sábado co Viajes InterRías FF non contará coa presenza da dianteira deportivista Athenea del Castillo. A futbolista está convocada pola Selección Española Sub20 para unhas xornadas de entrenamento en Marbella. A dianteira xa se atopa en Andalucía para prepararse coas súas novas compañeiras, logo de debutar coa selección absoluta o 23 de outubro no Estadio de La Cartuja de Sevilla.
O equipo coruñés, namentres, notará a súa falta. No derradeiro partido das branquiazuis, disputado contra o Atlético de Madrid, a cántabra foi a única que marcou un gol fronte aos oito tantos anotados polas xogadoras colchoneras.
